قىتايلىق ايەل بوران سالدارىنان گۋاڭجوۋ- ۋحان رەيسىنىڭ جالعىز جولاۋشىسى بولدى

استانا. قازاقپارات - جاڭ ەسىمدى قىتايلىق ساياحاتتاۋشى ايەل گۋاڭجوۋ - ۋحان رەيسىنىڭ جالعىز جولاۋشىسى بولدى.

Fox News تىڭ حابارلاۋىنشا، بۇل جاعداي China Southern Airlines كومپانياسىنىڭ يەلىگىندەگى ۇشاقتىڭ ۇشۋى بوران سالدارىنان بىرنەشە ساعات كەيىنگە قالدىرىلىپ، جاڭنىڭ جولداعى سەرىكتەرى باسقا، بۇعان دەيىنگى رەيستەرمەن كەتۋىنەن كەيىن ورىن العان.

تۋريست ايەل ءوزىنىڭ ۇشۋى تۋرالى Weibo الەۋمەتتىك جەلىسىندە بايانداپ، حابارلاماسىنا بىرنەشە سۋرەت قوستى. «مەن ۇشاقتا جالعىزبىن! ءيا! تەك مەن عانا جولاۋشى! جانە ۇشاقتىڭ كومانداسى بار!»، - دەپ جازدى جاڭ.

گۋاڭجوۋ پروۆينسياسىندا قاردىڭ مول تۇسۋىنەن كوپتەگەن رەيستەردىڭ كەشىكتىرىلگەنى حابارلانىپ وتىر. اتاپ ايتقاندا، جاڭ ءوز ۇشاعىنا وتىرۋ تۋرالى حابارلامانى 10 ساعات كۇتكەن. قىتايلىق جاڭا جىلدا (اقپاننىڭ 7 نەن 8 نە قاراعان كۇنى) ۇيلەرىنە جەتۋگە اسىققان وزگە جولاۋشىلار باسقا رەيستەرگە وتىردى.