اقشادان قىسىلعان الماتىنىڭ بايلارى قىمبات كولىكتەرىن ساتىپ جاتىر

استانا. قازاقپارات - داعدارىس قالتالىلاردى دا قىسا باستاعانداي. باي-باعىلاندار نەبىر قىمبات كولىكتەرىن ساتۋعا شىعارىپ جاتىر.

بۇل تۋرالى ك ت ك ارناسى حابارلايدى.

قازىردىڭ وزىندە ەلىمىزدە باعاسى 100 مىڭ دوللاردان اساتىن جۇزدەگەن تەمىر تۇلپار ساتىلىمدا تۇر. دەگەنمەن سۇرانىس مۇلدەم جوقتىڭ قاسى دەيدى ماماندار.

ساتىلىمعا تۇسكەندەردىڭ ءبىرى قىمبات تاستارمەن كومكەرىلگەن مىنا «بەنتلي». باسىندا قارا ءتۇستى بولىپتى. ءبىراق، ماشيناسىنىڭ كوركىن ارتتىرۋعا كوڭىلى اۋعان قىز 1 ميلليون 200 مىڭ حرۋستالدى تۇيىرشىك تاسپەن كومكەرىپ شىعۋ ءۇشىن ارنايى ديزاينەر جالداعان.

كولىكتىڭ كوز تارتارلىعى سونشا، كوشەدەگىلەردىڭ قايسىسى دا كوز سۇزبەي وتە المايدى. مۇنداي ەرەكشە كولىك بيىلدىققا ەكىنشى رەت ساۋداعا ءتۇسىپ وتىر. ايتا كەتەيىك، قاڭتار ايىنىڭ ورتاسىندا سىرتىنا تۇگەل جىلتىر تاستار جاپسىرىلعان مەرسەدەستى يەسى ساۋداعا شىعارعان ەدى. بۇل جولعى بەنتليدى ساتۋعا دا داعدارىس سەبەپ بولىپتى.

«ديەۆالۆاتسياعا دەيىن قوڭىراۋ شالۋشىلار كوپ بولدى. كوبى بيزنەسمەندەر. ايەلدەرىنە الىپ بەرگىسى كەلدى. ءبىراق، بارتەرلىك ساۋدامەن جەرگە، ۇيگە الماستىرۋعا ۇسىنىس جاسادى. قازىر بۇرىنعىداي ەمەس، قىزىعۋشىلار ازايىپ كەتتى»، - دەيدى كولىك يەسى ەليزاۆەتا احريەۆا.