ەرتەڭ «شوقان ءۋاليحانوۆتىڭ كەرۋەن جولىمەن» اتتى كىتاپ تانىستىرىلادى

استانا. قازاقپارات - ەرتەڭ قازاقستان رەسپۋبليكاسى ۇلتتىق مۋزەيىندە ي. يمانوۆ پەن و. مازبايەۆتىڭ «پو كاراۆاننومۋ پۋتي ۆەليكوگو چوكانا» كىتابىنىڭ تانىستىرىلىمى وتەدى.

بۇل تۋرالى ق ر ۇلتتىق مۋزەيىنىڭ اقپاراتتىق-يميدجدىك قىزمەتىنەن حابارلادى.

كىتاپ قازاق ۇلتتىق گەوگرافيالىق قوعامىنىڭ 2014-جىلعى 24- شىلدە جانە 5- تامىز ارالىعىندا ق ح ر جانە قىرعىزستان تەرريتوريالارى ارقىلى وتكەن «شوقان ءۋاليحانوۆتىڭ كەرۋەن جولى بويىمەن» اتتى العاشقى حالىقارالىق ەكسپەديتسياسىنا ارنالعان. اتالعان ەكسپەديتسيا سوڭعى سەگىز جىل ىشىندە جۇزەگە اسىرىلعان «شوقان جولدارىمەن» اتتى ەكسپەديتسيالار سەرياسىنىڭ سوڭعى ساپارى بولىپ سانالادى. ەكسپەديتسياعا قاتىسۋشىلار شوقان ءۋاليحانوۆ ءجۇرىپ وتكەن جەرلەرگە (قىرعىزستان، جەتىسۋ، قۇلجا) ساياحات جاسادى.

كىتاپ قازاقتىڭ ۇلى عالىمى جانە اعارتۋشىسى - ش. ءۋاليحانوۆتىڭ 180 جىلدىق مەرەيتويىنا ورايلاستىرىلىپ شىعارىلدى. ەكسپەديتسيا مۇشەلەرىنىڭ جەكە جانە تىكەلەي ساياحات بارىسىندا العان اسەرلەرى نەگىزىندە جازىلعان ەڭبەك جالپى كوپشىلىك وقىرمانعا ارنالعان.

اۆتور: مارلان جيەمباي