رەسەي تاجىك اسكەرىن قارۋلاندىرۋعا كوشتى
بۇل جايىندا رەسەيدىڭ قورعانىس ءمينيسترىنىڭ ورىنباسارى اناتولي انتونوۆ دۋشانبەگە بارعان ساپارىندا مالىمدەدى.
ول تاجىكستاندى رەسەي ءۇشىن اسكەري جانە اسكەري-تەحنيكالىق ىنتىماقتاستىقتى دامىتۋعا باسىمدىق بەرەتىن ەلدەردىڭ ءبىرى دەپ اتادى.
«ءبىز تاجىكستان قانشالىقتى قاۋىپسىز بولسا، رەسەي فەدەراتسياسى دا سونشالىقتى قاۋىپسىز بولادى دەپ ەسەپتەيمىز»، - دەپ اتاپ ءوتتى رەسەي قورعانىس ءمينيسترىنىڭ ورىنباسارى.
انتونوۆ سونىمەن بىرگە تاجىكستانداعى 201 رەسەيلىك بازانى دا شابۋىلعا دايىن تۇرارلىقتاي بارىنشا قارۋلاندىراتىنىن جەتكىزدى. ونىڭ سوزىنشە، رەسەيلىك اسكەري بازا تاجىكستاننىڭ ەگەمەندىگى مەن ۇلتتىق مۇددەلەرىن قورعاۋعا دايىن.
دۋشانبە بيلىگى ۇجىمدىق قاۋىپسىزدىك جونىندەگى كەلىسىم-شارت ۇيىمىنىڭ تاجىك-اۋعان شەكاراسىن كۇشەيتەمىز دەگەن ۋادەسى ءالى ورىندالماي كەلە جاتقانىن بىرنەشە رەت ايتقان بولاتىن. سوعان قاراماستان، رەسەي 201 اسكەري بازانى زاماناۋي قارۋ-جاراقتارمەن قامتاماسىز ەتىپ وتىر.
Baq.kz
