قورىققا جاقىن ورنالاسقان اۋىلداعى يتتەرگە جولبارىس شاپتى

استانا. قازاقپارات - بولشەح ەحتسيرسك قورىعىنىڭ قىزمەتكەرلەرى حاباروۆسك قالاسىنان 34 شاقىرىم جەردەگى وسينوۆايا رەچكا كەنتىندە ءيتتى اكەتكەن ولەكشىندى ىزدەستىرۋدە، دەپ حابارلادى ر ي ا نوۆوستي.

وسينوۆايا رەچكا كەنتى قورىققا جاقىن ورنالاسقان، اراسى 3 شاقىرىم عانا.

«ءبىزدىڭ ينسپەكتورىمىزعا جاعاداعى بارجانىڭ كۇزەتشىسى تەلەفون سوعىپ، ولەكشىننىڭ (جولبارىس ۇرعاشىسى) ىزدەرىن كورگەنىن، جىرتقىشتىڭ يتتەردىڭ ءبىرىن سۇيرەپ اكەتكەنىن حابارلادى. قازىرگى كەزدە ەكى توپ قورىقتىڭ اۋماعىن تىنتۋدە، ءارى جىرتقىشتى ىزدەستىرۋدە»، -  دەدى قورىقتىڭ اعا ينسپەكتورى يۋري كيا.

ماماندار ىزدەردى تاپتى، جىرتقىشتىڭ تابانىنىڭ ولشەمى 8 سانتيمەترگە دەيىن جەتەدى، ياعني ول ەرەسەك ولەكشىن دەگەن قورىتىندى جاسالدى.

امۋر جولبارىسى رەسەيدىڭ قيىر شىعىسىندا ءومىر سۇرەدى. ولار جويىلىپ بارا جاتقان جانۋارلار قاتارىندا. قازىر ونىڭ سانىن كوبەيتۋ شارالارى قابىلداندى، سونىڭ ارقاسىندا جىرتقىشتىڭ سانى 500 گە جەتتى.