اقىن اقۇشتاپ باقتىگەرەيەۆانىڭ «جايىعىم دەپ سىر اشىپ، جىردان توككەن كەستەسىن» اتتى كەشى ءوتتى - فوتو

ورال. قازاقپارات - كەشە قادىر مىرزا ءالي اتىنداعى مادەنيەت جانە ونەر ورتالىعىندا بەلگىلى اقىن، حالىقارالىق «الاش» ادەبي سىيلىعىنىڭ يەگەرى اقۇشتاپ باقتىگەرەيەۆانىڭ شىعارماشىلىعىنا ارنالعان «جايىعىم دەپ سىر اشىپ، جىردان توككەن كەستەسىن» اتتى ادەبي-مۋزىكالىق كەش ءوتتى.

ورال قالالىق مادەنيەت جانە تىلدەردى دامىتۋ ءبولىمىنىڭ قولداۋىمەن ۇيىمداستىرىلعان شارا بارىسىندا اقىننىڭ ولەڭدەرى وقىلىپ، سوزدەرىنە جازىلعان اندەر ورىندالدى. سونىمەن قاتار سوڭعى كەزدە ەستەلىكتەر جازىپ جۇرگەن اقىننىڭ ءوزى ادەبيەت پەن ونەر، قازىرگى قوعامنىڭ كەلەلى ماسەلەلەرى، جاس ۇرپاق تاربيەسى تۋرالى ءسوز قوزعادى.

اتالمىش ورتالىقتا اقىن-جازۋشىلارمەن وسىنداي كەشتەر ۇدايى ۇيىمداستىرىلىپ تۇرماق.

«وتكەن جىلى قالامىزدا قادىر اعامىز اتىنداعى ۇلكەن ورتالىقتىڭ اشىلۋى ءبىزدىڭ باس قوسۋلارىمىزدى ءجيى وتكىزۋگە مۇمكىندىك بەرەدى. وسى ورايدا جاس تالانتتارعا دا كەزەك بەرىلەتىن بولادى»، دەدى قازىرگى كەزدە قازاقستان جازۋشىلار وداعىنىڭ ب ق و بولىمشەسىن باسقارىپ وتىرعان اقۇشتاپ باقتىگەرەيەۆا.