ۇلتتىق بانك ءتوراعاسى ءتول تەڭگەمىزدىڭ بولاشاعى تۋرالى ايتتى

استانا. قازاقپارات - ۇلتتىق ۆاليۋتامىز كەلەشەكتە ىشكى نارىقتا تولىق ۇستەمدىككە يە بولادى. بۇل تۋرالى بۇگىن شىمكەنتتەگى ءىسساپارى بارىسىندا ۇلتتىق بانك ءتوراعاسى دانيار اقىشەۆ مالىمدەدى.

«تەڭگە باعامى تۇراقتى بولادى، سوندىقتان ايىرباس ورىندارىنا سابىلۋدىڭ قاجەتى جوق»، - دەيدى باس بانكير. اقپاننىڭ 1-جۇلدىزىنان باستاپ شەتەل ۆاليۋتاسىمەن سالىنعان دەپوزيتتەر سىياقىسى 3 تەن 2 گە دەيىن تومەندەتىلگەن. كەرىسىنشە، تەڭگەمەن جيناقتالعان اقشاعا %14- دىق سىياقى تاعايىندالعان. سونداي-اق ەكىنشى دەڭگەيلى بانكتەر ارقىلى الىنعان يپوتەكالىق قارىزداردى قايتا قارجىلاندىرۋ بويىنشا ارنايى جەڭىلدىكتەر دە قارالىپ جاتىر.

باس بانكير ەلىمىزدە بىرتىندەپ ۇلتتىق تەڭگەمەن عانا ساۋدا-ساتتىق جاساۋ قولعا الىنىپ جاتقانىن تىلگە تيەك ەتتى.

دانيار اقىشەۆ، ق ر ۇلتتىق بانك ءتوراعاسى:

- ەلىمىزدە ۇكىمەت پەن ۇلتتىق بانككە تيەسىلى جيناقتالعان جالپى قوردىڭ كولەمى 31,6 ميلليارد ا ق ش دوللارىنا پاپا- پار كەلەدى. جيناقتالعان قوماقتى قور قازاقستاننىڭ قارجىلىق ماسەلەسىن شەشىپ، ەكونوميكامىزدىڭ ارى قاراي تۇراقتى دامۋىنا مۇمكىندىك بەرەدى. ءبىز قاجەتتى قور جيناۋ ارقىلى الەۋمەتتىك ماسەلەلەردى قارجىلاي قامتاماسىز ەتىپ قانا قويماي، قانداي قيىندىق بولسا دا ەڭسەرۋگە تولىق مۇمكىندىگىمىز بار.

www.24.kz