الماتىدا اعاش كوشەتتەرىن بيولوگ عالىمدارمەن كەڭەسىپ بارىپ وتىرعىزعان ءجون - ساراپشى
بۇل تۋرالى بۇگىن «قازاقپارات» تىلشىسىنە بەرگەن سۇحباتىندا ق ر ب ع م «بوتانيكا جانە فوتوينترودۋكتسيا» ر م ك- نىڭ باس ديرەكتورى، بيولوگيا عىلىمدارىنىڭ دوكتورى، قازاق ۇلتتىق جاراتىلىستانۋ اكادەمياسىنىڭ اكادەميگى گۇلنار سيتپايەۆا مالىمدەدى.
«سوڭعى جىلدارى الماتىدا وتىرعىزىلعان اعاش كوشەتتەرىنىڭ باسىم بولىگى ەۋروپا ەلدەرىنەن جەتكىزىلگەن. ءبىراق، ولار ءبىزدىڭ نەگىزگى بوتانيكالىق باقتا دا نەمەسە جەكەلەگەن ءتالىمباقتاردا دا سىناقتان وتپەگەن. بۇل قالىپتى سۇرىپتالعان وسىمدىكتەردى وتىرعىزۋ ءۇشىن الدىمەن ولاردىڭ الماتى قالاسىنىڭ كليماتى ءۇشىن جارامدىلىعىن تەكسەرۋ قاجەت»، - دەدى گ. سيتپايەۆا.
ول سونىمەن قاتار، قالا اۋماعىنىڭ ءار ءتۇرلى ايماقتارعا بولىنگەندىگىن جانە ءاربىر ايماققا ءتان وسىمدىكتەر قۇرامى بولاتىندىعىن ايتتى.
«مىسالى، قالانىڭ ءبىر ايماعىنا اعاشتاردىڭ جاپىراقتى تۇقىمى، ال باسقا بولىگىنە قىلقان جاپىراقتى اعاشتار تۇقىمى سايكەس كەلەدى. ءبىز بۇل تۋرالى تالاي رەت ايتقانبىز. 2000- جىلدىڭ باسىندا الماتى اكىمدىگىنىڭ تاپسىرىسى بويىنشا ءبىز وسىنداي جۇمىستاردى جۇرگىزگەن ەدىك. سوندا اعاش كوشەتتەرىنىڭ بەلگىلى ءبىر تۇقىمدارىن عانا ۇسىنعانبىز. وكىنىشكە قاراي، قازىر نىسانداردى تاپسىرۋ بارىسىندا اعاش وتىرعىزۋعا ءماجبۇر بولاتىن كومپانيالاردىڭ جۇمىسىن قاداعالاۋ قيىن»، - دەدى بيولوگيا عىلىمدارىنىڭ دوكتورى.
ونىڭ ايتۋىنشا بۇگىندە وكىنىشكە قاراي، اعاش كوشەتتەرىنىڭ قايدان جەتكىزىلىپ جاتقاندىعىن ەشكىم تەكسەرمەيدى. ويتكەنى، ولار اۋرۋ نەمەسە ءون بوىندا قانداي دا ءبىر زيانكەستەر بولۋى مۇمكىن.
«سوندىقتان، تالداردىڭ، وسىمدىكتەردىڭ كوشەتتەرىن وتىرعىزار الدىن ولار سىناقتان وتتكىزىلىپ، تەكسەرىلۋى ءتيىس. ويتكەنى، كوشەتتەرمەن بىرگە وسىمدىكتەردىڭ قانداي دا ءبىر جاڭا اۋرۋى تاراۋى مۇمكىن. سوندىقتان كوشەت وتىرعىزاردا مىندەتتە تۇردە عالىمدارمەن اقىلداسقان ءجون»، - دەدى گ. سيتپايەۆا.
اۆتور: جاپپاربەرگەن ايبوتا
