الماتى پوليتسياسى بۇرىن سوتتالعان ازاماتتاردى تەكسەرىپ جاتىر

الماتى. قازاقپارات- الماتى پوليتسياسى بۇرىن سوتتالعان جانە ەسەپتە تۇرعان ازاماتتاردى تەكسەرۋ بويىنشا «ەسەپكە الۋ» شاراسىن جۇرگىزىپ جاتىر.

بۇل تۋرالى بۇگىن الماتى ق. ءى ءى د باسپا ءسوز قىزمەتىنەن حابارلادى.

بۇل جەدەل- الدىن الۋ شاراسىنىڭ ماقساتى - بۇرىن سوتتالعان ادامدار تاراپىنان جاسالۋى مۇمكىن قىلمىستار مەن قۇقىق بۇزۋشىلىق ارەكەتتەردىڭ الدىن الۋ.

«2 -اقپاننان باستاپ بۇل شارا اۋەزوۆ جانە جەتىسۋ اۋداندارىن قامتىدى. ينسپەكتورلار ەسەپكە الىنعان ازاماتتار مەن اۋداندىق ءىىب ەسەبىندە تۇرعان، قىلمىستىق جەنە اكىمشىلىك قۇقىق بۇزۋشىلىقتار جاساۋعا بەيىم ادامداردى تەكسەرۋدى قولعا الدى. بۇل شاراعا جەرگىلىكتى پوليتسيا قىزمەتىنىڭ بۇكىل قۇرامى جانە باسقا دا قىزمەتتەر جۇمىلدىرىلدى. ازىرگە ەسەپتە تۇرعان، بۇرىن قىلمىستىق جاۋاپكەرشىلىككە تارتىلعان 2 مىڭ 249 ادامنىڭ ءبىر مىڭنان استامى تەكسەرىلدى. قالعاندارى بۇگىن تەكسەرىلەدى»، - دەدى الماتى ق. ءى ءى د جەرگىلىكتى پوليتسيا قىزمەتىنىڭ جەتەكشىسى، پوليتسيا پودپولكوۆنيگى جاسۇلان بايكەنوۆ.

تەكسەرۋ ناتيجەسى بويىنشا بۇرىن قىلمىستىق جاۋاپكەرشىلىككە تارتىلعان، سونداي-اق ەسەپكە تۇرۋدان جالتارىپ جۇرگەن 20 ادام ەسەپكە الىندى. شارتتى تۇردە مەرزىمىنەن بۇرىن بوساپ شىققاندار اراسىندا بەلگىلەنگەن شەكتەۋدى بۇزۋ بويىنشا ءبىر دەرەك جانە شارتتى تۇردە سوتتالعاندار اراسىندا 4 دەرەك انىقتالدى.

«جەدەل- الدىن الۋ شاراسى بارىسىندا 19 قىلمىستىڭ بەتى اشىلدى، 121 ادام اكىمشىلىك جاۋاپكەرشىلىككە تارتىلدى.

ازىرگە بۇل ءبىر كۇندىك كورسەتكىشتەر. ەندى باسقا دا اۋداندار قامتىلادى. بۇل شارا قالادا كريمنينوگەندىك احۋالدىڭ جاقسارۋىنا سەپتىگىن تيگىزەدى»، - دەدى پودپولكوۆنيك بايكەنوۆ.

اۆتور: جاپپاربەرگەن ايبوتا