17:24, 03 - اقپان 2016 | GMT +5
سولتۇستىك قازاقستان قايىرىمدىلىق بالىنداعى ءباسساۋدادا ۆينوكۋروۆ پەن جاقيانوۆتىڭ زاتتارى ساتىلادى
پەتروپاۆل. قازاقپارات - پەتروپاۆلدا وتەتىن ءبىرىنشى قايىرىمدىلىق بالىندا تانىمال سپورتشىلار الەكساندر ۆينوكۋروۆ پەن كاسىپقوي بوكسشى جانات جاقيانوۆتىڭ جەكە زاتتارى ساتىلىمعا شىعارىلادى.
ۇيىمداستىرۋشىلار اۋىر دەرتكە شالدىققان بالالاردى ەمدەۋ ءۇشىن 2 ميلليون تەڭگە جيناماق.
سولتۇستىك قازاقستان وبلىسىنىڭ كاسىپكەرلەرى مەن شەنەۋنىكتەرىنىڭ قاتىسۋىمەن بولاتىن قايىرىمدىلىق بال اقپان ايىنىڭ سوڭىندا وتكىزىلەدى. ول تۋرالى بۇگىن ورتالىق كوممۋنيكاتسيالار قىزمەتىنىڭ وبلىستىق فيليالىندا وتكەن بريفينگتە «قوعامدىق كەلىسىم» ك م ب- نىڭ باسشىسى اسەمگۇل ەسقوجا ايتىپ بەردى.
«بىزدە كومەك بەرگىمىز كەلىپ وتىرعان ءۇش بالا بار. ولاردىڭ بارلىعىنا شەتەلدە ەمدەلۋ كەڭەس ەتىلدى. ءبىز 2 ميلليون جۋىق تەڭگەنى جيناۋدى جوسپارلاپ وتىرمىز. شاراعا بيزنەس قۇرىلىمدارىنىڭ باسشىلارى، وبلىس جەتەكشىلەرى قاتىسادى.
سونداي- اق ءباسساۋدا وتكىزىلەدى. ودان كوپ اقشا جيناۋىمىز ءۇشىن، سپورتشىلار ۆينوكۋروۆ پەن جاقيانوۆ ءوز زاتتارىن بەردى»، - دەدى ءا. ەسقوجا.
