لوندون سوتى قازاقستان ۇكىمەتىنىڭ پايداسىنا شەشىم شىعاردى
بۇل تۋرالى ق ر ادىلەت مينيسترلىگىنىڭ باسپا ءسوز قىزمەتىنەن حابارلادى.
«ەردەنەت» 1995-1996-جىلدارى جاسالعان كەلىسىمشارتتار بويىنشا «بالقاش مىس» ا ا ق- نان «ەردەنەتكە» تيەسىلى قارىزعا قاتىستى تالاپ-ارىز بەردى. «بالقاش مىس» ا ا ق 1999-جىلى تاراتىلعان جەكە زاڭدى تۇلعا بولعانىنا قاراماستان، «ەردەنەت» قازاقستان رەسپۋبليكاسىنىڭ ۇكىمەتى «بالقاش مىستىڭ» قارىزدارى بويىنشا جاۋاپتى ەكەنىن ايتتى.
2014-جىلعى جەلتوقساندا «ەردەنەت» قازاقستان مەن موڭعوليا اراسىنداعى كەلىسسوزدەردە قازاقستان رەسپۋبليكاسى ۇكىمەتىنىڭ اعىلشىندىق سوت يۋريسديكتسياسىنا كەلىسىم بەرگەنىنە سىلتەمە جاساي وتىرىپ، اعىلشىندىق كوممەرتسيالىق سوتتا قازاقستان رەسپۋبليكاسىنىڭ ۇكىمەتىنە قارسى تالاپ-ارىزعا باستاما جاسادى.
2016-جىلعى 2- اقپاندا اعىلشىن كوممەرتسيالىق سوتى يۋريسديكتسيانىڭ جوقتىعى تۋرالى قازاقستان رەسپۋبليكاسىنىڭ ۇكىمەتى پايداسىنا شەشىم قابىلدادى.
سوتتىڭ پىكىرى بويىنشا، قازاقستان رەسپۋبليكاسىنىڭ ۇكىمەتى يۋريسديكتسيا بويىنشا ەشقانداي ۋاعدالاستىق جاسالماعانى بويىنشا «دالەلدىرەك ايعاقتار» ۇسىندى.
سوت ەردەنەتتى 200000 فۋنت ستەرلينگتى ق ر ۇكىمەتىنىڭ پايداسىنا تولەۋگە مىندەتتەدى. سونىمەن قاتار، ەردەنەتتىڭ شاعىمدانۋعا ارىزىن قابىلدامادى. سوت شەشىمىن اعىلشىن اپەللياتسيالىق سوتىمەن وزگەرتۋدى مۇمكىن ەمەس دەپ سانادى.
قازاقستان رەسپۋبليكاسىنىڭ ۇكىمەتىنىڭ مۇددەسىن قازاقستان رەسپۋبليكاسىنىڭ ادىلەت مينيسترلىگىمەن Reed Smith كومپانياسىمەن بىرگە وكىلدىك ەتتى.
