عالىمدار زيكا ۆيرۋسىنىڭ تەستىن ويلاپ تاپتى

استانا. قازاقپارات - زيكا ۆيرۋسىن انىقتايتىن تەست گەرمانيادا جاسالدى. تەڭدەسى جوق قۇرال ناۋقاستىڭ اتالعان ۆيرۋستى جۇقتىرعانىن نە جۇقتىرماعانىن كورسەتەدى.

جاي عانا قان ساراپتاماسىنان ادامنىڭ زيكا ۆيرۋسىنا شالدىققانىن انىقتاۋعا بولمايدى. سوندىقتان ساراپشىلار جۇقپالى ىندەتپەن كۇرەستە ماڭىزدى قادام جاسالدى دەپ وتىر.

مامانداردىڭ ايتۋىنشا، اۋرۋدىڭ بەلگىلەرى تەك ءاربىر بەسىنشى سىرقات ادامدا بايقالادى. قازىرگى ۋاقىتتا قۇرالدىڭ العاشقى نۇسقاسى برازيلياعا جونەلتىلگەن.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، وندا 1,5 ميلليون ادام ۆيرۋستى جۇقتىرعان.

سۋدحير بحاتيا، Genekam Technology AG اتقارۋشى ديرەكتورى:

- ءبىز ويلاپ تاپقان تەست قان قۇرامىندا زيكا ۆيرۋسىن بۇلجىتپاي تانيدى. قازىر دۇنيەجۇزىلىك دەنساۋلىق ساقتاۋ ۇيىمىمەن كەلىسسوزدەر جۇرگىزىپ جاتىرمىز. ايتا كەتۋ كەرەك، ولار ءبىزدىڭ ويلاپ تاپقانىمىزعا قىزىعۋشىلىق ءبىلدىرىپ وتىر. ءبىزدىڭ كومپانيا بۇعان دەيىن دە 700 گە جۋىق ءتۇرلى تەستەردى ءساتتى سىناعان بولاتىن. ولاردىڭ قاتارىندا دەنگە، بەزگەك، تۋبەركۋلەز سىندى جۇقپالى اۋرۋلار بار. ەندى الداعى جوسپارىمىز -  ۆاكتسينا جاساۋ.

www.24.kz