قازاقستاندا مەملەكەتتىك باعدارلامامەن سالىنعان تۇرعىن ۇيلەردىڭ باعاسى ءوستى
بۇل تۋرالى ق ر ۇلتتىق ەكونوميكا مينيسترلىگى قۇرىلىس، تۇرعىن ءۇي-كوممۋنالدىق شارۋاشىلىق جانە جەر رەسۋرستارىن باسقارۋ ىستەرى كوميتەتىنىڭ ءتوراعاسى مارحابات جايىمبەتوۆ ءمالىم ەتتى.
«قولجەتىمدى باسپانا» تۋرالى ايتاتىن بولساق، %2-3 عا قىمباتتاۋ بار. باسقا سالالاردى قاراساق، كەرىسىنشە باعا تۇسكەن. ءبىز قازىر ماۋسىم جانە قاڭتار ايلارىنداعى باعالاردى (قۇرىلىس ماتەريالدارى بويىنشا) سالىستىردىق، مەتالل بويىنشا ازداپ جوعارىلاۋ بايقالادى، ال باسقا ماتەريالداردىڭ قۇنى بارلىق جەردە ءتۇسىپ جاتىر»، - دەدى مارحابات جايىمبەتوۆ.
ونىڭ سوزىنە قاراعاندا، مۇنداي احۋال ەلىمىزدە ەكىنشى مارتە قايتالانىپ وتىر.
«سىزدەر بىلەسىزدەر، 2007-2008-جىلدارداعى داعدارىستا وسىلاي بولعان. سۇرانىس ازايعاندا، حالىقتىڭ ساتىپ الۋ دەڭگەيى تومەندەگەندە - ماتەريالدار قۇنى تۇسەدى. يمپورتتىق تاۋارلار بويىنشا 30 پايىزدىق ءوسىم تىركەلدى. ءبىراق ول نەگىزىنەن پرەميۋم، ەليت ساناتىنداعى باسپاناعا قاتىستى. ءبىز ءۇشىنشى جانە ءتورتىنشى ساناتتار بويىنشا قولجەتىمدى باسپانا سالامىز. ال ءبىرىنشى جانە ەكىنشى ساناتتاعى پاتەرلەردىڭ باعاسى ارتتى»، - دەپ ءسوزىن تۇيىندەدى ول.
اۆتور: جاسۇلان جولدىبايەۆ
