ەۆرەي قىزى تۇرمىسقا شىعۋدان باس تارتقانى ءۇشىن ايىپ تولەدى
ءىستى قاراعان بىتىمگەر سوت نەكە كەلىسىمى شارتىن بۇزعان 19 جاسار يەۆرەي قىزى كۇيەۋ جىگىتتىڭ ماتەريالدىق شىعىندارى مەن مورالدىق زارداپ شەگۋىنىڭ وتەماقىسى رەتىندە وعان 60 مىڭ شەكەلەي (15 مىڭ دوللارعا جۋىق) كولەمىندە اقشا تولەۋى ءتيىس دەپ شەشتى. بۇعان قوسا، قالىڭدىقتى سوتتىڭ 15 مىڭ شەكەلەي (3,8 مىڭ دوللار) مولشەرىندەگى شىعىنىن دا جابۋعا مىندەتتەدى.
سوت پروتسەسى بارىسىندا قىز بۇعان كۇيەۋ جىگىت تاراپىنان كۇش كورسەتۋ ارەكەتىن بولعانىنا بايلانىستى بارعانىن ايتىپ، اقتالىپ باقتى. الايدا، وسىنى ايعاقتايتىن ەشتەڭە تاۋىپ بەرە المادى. ال كۇيەۋ جىگىت ەكەۋى اراسىندا جازىلعان حاتتاردى ۇسىنىپ، كۋالارىن قوسا تارتتى.
سوت ۇكىم شىعارا وتىرىپ، قىزدى كۇيەۋگە شىعۋعا ءماجبۇر ەتە المايتىنىن اتاپ كورسەتتى. ءبىراق ونىڭ جاساپ وتىرعان ارەكەتىن جەڭىلتەكتىك دەپ باعالادى.
قىز بەن جىگىتتىڭ ەكەۋى دە ۋلترا ورتودوكسالدى يەۆرەي قاۋىمداستىعىنان ەكەن. ولار ءبىر- بىرلەرىمەن قۇداعيلارى ارقىلى تانىسقان. ال بىرنەشە ايدان كەيىن ۇيلەنەتىن بولىپ شەشىم قابىلداعان. الايدا، قىز توي وتۋگە ەكى اپتا قالعاندا، شەشىمىنەن اينىپ شىعا كەلگەن.
