اسقاباق ديەتاسىن ۇستاپ، كۇنىنە جارتى كەلى ارتىق سالماقتان ارىلۋعا بولادى
اسقاباقتىڭ ەمدىك قاسيەتىمەن قاتار، ارىقتاتىپ، ارتىق مايدان ارىلتاتىن كۇشى دە بار، دەپ جازادى anabol.kz.
بار بولعانى 100 گرام اسقاباق اعزاعا قاجەتتى تەمىردىڭ ۇشتەن ءبىر بولىگىن، ە دارۋمەنىنىڭ 15پايىزىن، س دارۋمەنىنىڭ 70پايىزىن تاۋلىكتىك مولشەرىمەن قامتاماسىز ەتەدى. ال 100 گرام اسقاباقتا 23 ككال كالوريا بار ەكەن. اسقاباق ديەتاسىن ۇستاعاندا، ورتا ەسەپپەن، كۇنىنە 500 گرام سالماقتان ارىلۋعا بولادى.
ديەتا ۇزاقتىعى: 12 كۇن
ەرەكشەلىگى: تۇتىناتىن بارلىق تاعامنىڭ نەگىزگى كومپونەنتى - اسقاباق بولۋى كەرەك.
كۇتىلەتىن ناتيجە: 12 كۇندە، شامامەن، 6-7 كەلى.
ديەتا ۇستاۋ جيىلىگى: جىلىنا ءبىر رەتتەن ارتىق ەمەس.
قوسىمشا ەففەكت: اس قورىتۋ جۇيەسىن جاقسارتادى، تەرى مەن شاشقا وڭ اسەرىن تيگىزەدى.
كىمدەرگە بۇل ديەتانى ۇستاۋعا بولمايدى: كەز كەلگەن سوزىلمالى اۋرۋى بار ادامدار، جۇكتى جانە ەمشەكتە بالاسى بار ايەلدەر.
12 كۇننەن تۇراتىن ديەتانى 4 تاۋلىكتەن قايتالاناتىن 3 كەزەڭگە بولەمىز. دەمەك، ءتورت كۇننەن كەيىن قايتادان ءبىرىنشى كۇننىڭ اس مازىرىنەن باستايسىز. اسقاباقتان دايىندالعان تاعامنان كەيىن اشىرقاۋ سەزىمى ادەتتەگىدەي ءجيى بولمايدى.
اسقاباق ديەتاسىندا تاعامنىڭ كولەمىنە شەكتەۋ قويىلمايدى. ياعني رۇقسات ەتىلەتىن تاعامدى ءۇش ۋاقىت قالاۋىڭىزشا جەۋىڭىزگە بولادى، ءبىراق بۇل ءۇش ۋاقىتتان باسقا كەزدە ەشقانداي تىسكە باسارعا رۇقسات جوق. سونداي-اق سۇيىقتىقتان تەك گازسىز سۋ (1,5 ليتردەن كەم ەمەس) جانە كوكشاي (3-4 كەسە) ءىشۋ كەرەك.
ءبىرىنشى كۇن
تاڭعى اس: ميندال قوسىلعان اسقاباق سالاتى (جاڭعاق ورنىنا اسقاباق ءدانىن دە پايدالانۋعا بولادى) نەمەسە مايلىلىعى تومەن ءسۇت نە سۋعا پىسىرىلگەن اسقاباق بوتقاسى.
تۇسكى اس: اسقاباق ەزبە سورپاسى
كەشكى اس: ءتۇرلى دامدەۋىشتەرمەن بۇقتىرىلعان اسقاباق.
ەكىنشى كۇن
تاڭعى اس: ميندال قوسىلعان اسقاباق سالاتى (جاڭعاق ورنىنا اسقاباق ءدانىن دە پايدالانۋعا بولادى) نەمەسە مايلىلىعى تومەن ءسۇت نە سۋعا پىسىرىلگەن اسقاباق بوتقاسى.
تۇسكى اس: كوكونىس سورپاسى مەن اسقاباق پەن جۇمىرتقانىڭ اعىنان نەمەسە سۇلى جارماسىنان دايىندالعان كوتلەت.
كەشكى اس: الما (پەشكە پىسىرىلگەن المالارمەن الماستىرۋعا بولادى).
ءۇشىنشى كۇن
تاڭعى اس: ميندال قوسىلعان اسقاباق سالاتى (جاڭعاق ورنىنا اسقاباق ءدانىن دە پايدالانۋعا بولادى) نەمەسە مايلىلىعى تومەن ءسۇت نە سۋعا پىسىرىلگەن اسقاباق بوتقاسى.
تۇسكى اس: تاۋىق ەتىمەن كوكونىس سورپاسى
كەشكى اس: اناناس پەن اسقاباقتان دايىندالعان سالات.
ءتورتىنشى كۇن
تاڭعى اس: ميندال قوسىلعان اسقاباق سالاتى (جاڭعاق ورنىنا اسقاباق ءدانىن دە پايدالانۋعا بولادى) نەمەسە مايلىلىعى تومەن ءسۇت نە سۋعا پىسىرىلگەن اسقاباق بوتقاسى.
تۇسكى اس: كوكونىس سورپاسى نەمەسە بورش جانە بۋدا پىسىرىلگەن كوكونىستەر
كەشكى اس: اسقاباق پەن وزگە دە كوكونىستەر (كارتوپتان باسقاسى) قوسىلعان بۇقتىرىلعان راگۋ.
ديەتادا بەرىلگەن تاعامداردىڭ دايىندالۋ جولدارى:
جاڭعاق قوسىلعان اسقاباق سالاتى
قابى مەن دانىنەن تازارتىلعان 100 گرام شيكى اسقاباقتى جىڭىشكەلەپ تۋراڭىز. 2 شاي قاسىق ۇساقتالعان جاڭعاق قوسىپ، ازداعان بال، ءزايتۇن مايى نەمەسە قوسپاسىز يوگۋرتپەن ارالاستىرىڭىز. سالات دايىن!
اسقاباق بوتقاسى
500 گرام تازارتىلعان اسقاباقتى ءتورت بۇرىشتاپ تۋراپ، 1 ليتر سۋ قۇيىپ جۇمسارعانشا قايناتۋ كەرەك. الدىن الا سۋعا بۇقتىرىلعان قوڭىر كۇرىشتەن 7 اس قاسىق سالىپ، كۇرىش پىسكەنشە تاعى قايناتىڭىز. ودان كەيىن ءبىر ستاكان مايلىلىعى تومەن سۇتتەن از-ازدان قۇيىپ، ارالاستىرا وتىرىپ، تاعى 5 مينۋت قايناسىن. ءبىراز تۇرعاننان كەيىن جىلى كۇيىندە دە، سالقىنداي دا ىشۋىڭىزگە بولادى.
اسقاباقتان دايىندالعان كوتلەت
شاعىن اسقاباقتى تازالاپ، كوزى ۇلكەن ۇككىشتەن وتكىزىڭىز. وتتا بۇقتىرىپ، سۋىتىپ العاننان كەيىن 1 ستاكان سۇلى جارماسىن، ازداعان تۇز بەن ەكى جۇمىرتقانىڭ اعىن قوسىڭىز. ابدەن ارالاستىرىپ، شاعىن كوتلەتتەر دايىنداڭىز. تاباعا ازداعان سۇيىق ماي قۇيىپ، ءپىسىرىپ الىڭىز.
