ارميادا مەرزىمدى ساربازدارعا جاڭا كاسىپتى مەڭگەرۋدى ۇيرەتەدى
بۇل ق ر قورعانىس مينيسترلىگىنىڭ باسپا ءسوز قىزمەتى حابارلادى.
«اتالمىش كۋرس 2016-جىلدىڭ باسىندا باستالدى جانە وسى جىلعى ءساۋىردىڭ سوڭىنا دەيىن جالعاسادى. بۇل ۋاقىت ارالىعىندا مەرزىمدى قىزمەتتەگى 200 دەن اسا اسكەري قىزمەتشىنى وقىتىپ-ۇيرەتۋ جوسپارلانۋدا»، دەلىنگەن حابارلامادا.
بولاشاق مامانداردى اسكەري-اۋە كۇشتەرىنىڭ، ءا ش ق ق اسكەرلەرى مەن بايلانىس اسكەرلەرىنىڭ اسكەري بولىمدەرى ءۇشىن دايىنداۋدا. مەرزىمدى ساربازدار ديزەلشى، ەلەكتر ورناتۋشى، راديولوكاتسيالىق ستانسا وپەراتورى، اۋە نىسانالارىن قولمەن سۇيەمەلدەۋ وپەراتورى سياقتى كاسىپتى مەڭگەرەدى، اۆياتسيالىق قارۋ-جاراقتىڭ، راديوەلەكتروندىق جابدىقتىڭ، زەنيتتىك-زىمىراندىق جانە راديوتەحنيكالىق اسكەرلەر ماماندىقتارىن زەردەلەيدى.
بۇگىنگى تاڭدا 44841 اسكەري بولىمىندە وقۋ ءۇشىن جاقسى وقۋ-ماتەريالدىق بازا، مامانداندىرىلعان سىنىپتار، قارۋ-جاراقتىڭ، تەحنيكانىڭ توراپتارى مەن اگرەگاتتارىنىڭ سۇلبالارى بار.
«اسكەري ءبولىمىمىزدىڭ بازاسىندا جوعارى بىلىكتى وقىتۋشىلار قۇرامى قىزمەت ەتەدى. ولار ۇدايى وقۋ-ماتەريالدىق بازانى جەتىلدىرەدى، تەحنيكالىق وقىتۋ قۇرالدارىنىڭ زاماناۋي كەشەندەرىن كەڭىنەن ەنگىزە وتىرىپ، وقۋ ۇدەرىسىن كومپيۋتەريزاتسيالاۋ دارەجەسىن ارتتىرادى»، - دەپ اتاپ وتۋدە 44841 اسكەري ءبولىمىنىڭ كومانديرى پولكوۆنيك باۋىرجان جيەنبايەۆ.
