فرانسياداعى ميگرانتتار لاگەرىندە مەكتەپ، مەشىت جانە شىركەۋ بۇزىلدى

استانا. قازاقپارات - فرانسيانىڭ كالە قالاسىنداعى ميگرانتتار لاگەرىندەگى مەكتەپ، مەشىت پەن شىركەۋ بۇزىلدى.

ويتكەنى بۇل نىساندار كۇرە جولعا جاقىن ورنالاسقان، دەپ جازادى khabar.kz.

سونداي-اق شاتىرلاردىڭ ءبىر بولىگى دە جەرمەن جەكسەن ەتىلگەن. سالدارىنان باسپاناسىز قالعان ءبىر جارىم مىڭ ادام كونتەينەرلەرگە جايعاستى. ايتا كەتكەن ءجون، بۇگىندە كالە قالاسىنداعى لاگەردە 4 مىڭعا جۋىق بوسقىن تۇرىپ جاتىر. ولاردىڭ 200 ءى بالالار.

ميگرانتتاردىڭ دەنى  ۇلى بريتانياعا جەتۋدى كوزدەيدى. سول سەبەپتى جولعا شىعىپ، تۇماندى البيونعا بەت العان كولىكتەرگە زاڭسىز ءمىنىپ كەتىپ جاتادى.