كەرەك كەڭەس: ماۋجىراپ ءجۇرۋدىڭ سەبەبى

استانا. قازاقپارات - جۇمىستا نەمەسە ساباقتا ماۋجىراپ، ۇيقىلى كۇيدە جۇرەتىن كۇندەرىڭىز بولا ما؟ ونىڭ سەبەبى كەشكى تاماققا نە جەگەنىڭىزدە بولۋى مۇمكىن، دەپ جازادى massaget.kz.

ۇيىقتار الدىندا كوفە ءىشۋ دەنساۋلىققا زيان ەكەنى بەلگىلى. ءتاتتى تاعامداردى جەۋ دە قانداعى قانت مولشەرى كوتەرىلۋىنە اكەپ سوعادى. ءبىراق كەيبىر پايدالى تاعامداردىڭ ءوزى تۇسىمىزگە كەرى اسەرىن بەرەتىنىن ءبارىمىز بىلە بەرمەيمىز.

ميچيگان ۋنيۆەرسيتەتىنىڭ زەرتتەۋى بويىنشا، كەيبىر كوكونىستەردى تۇسكى استان سوڭ جەۋدىڭ قاجەتى جوق. مىسالى، بروككولي جانە گۇلدى قىرىققابات دارۋمەنگە باي بولعانىمەن، ولار تاعامدىق تالشىقتارعا دا تولى. ولار ۇزاق قورىتىلىپ نە تولىق قورىتىلماي، گاز تۇزىلەدى. سوندىقتان، ولاردى ۇيىقتار الدىندا كەشكى استا جەپ الساڭىز، اعزاڭىز بۇل پايدالى تاعام ءتۇرىن سىڭىرۋگە ۇزاق ۋاقىت كەتىرىپ، ۇيقىڭىز ءۇزىلىپ، بەيمازا كۇي كەشەسىز.

كەشكە ەت جەۋگە بولا ما؟ مالدان الىناتىن اقۋىزى جوعارى ەت تاعامدارى دا وسىعان ۇقساس اسەر بەرەدى. مىسالى: شۇجىق، كاتلەت، ستەيك.

تومات تۇزدىعىن دا كەشكى اسقا قولدانۋدىڭ قاجەتى جوق. ول تومات تۇزدىعى قوسىلعان پيتستسا نەمەسە ماكارون بولا ما، ماڭىزدى ەمەس. توماتتىڭ قىشقىلدىعى جوعارى بولعاندىقتان، تاڭعى قىجىل (يزجوگا) نەمەسە اسقازان اۋرۋى بولۋى مۇمكىن. تاڭەرتەڭ ەش جەرىڭىز اۋىرماس ءۇشىن قىزاناق قوسىلعان تاعامدى ۇيىقتار الدىندا كەم دەگەندە ءۇش ساعات بۇرىن جەۋ قاجەت.

ىرىمشىك جانە شۇجىق. شۇجىق تۋرالى جوعارىدا ايتتىق. شۇجىق تا ىرىمشىك سەكىلدى قۇرامىندا تيرامين جانە امينقىشقىلى كوپ بولعاندىقتان، اسقازاندى قىزدىرادى. سونىڭ سەبەبىنەن تاڭەرتەڭ ۇيقىدان تۇرۋ قيىنعا سوعادى.

قارا شوكولاد. ءبىر پليتكا شوكولاد ءبىر ستاقان كوفەمەن تەڭ. ۇيىقتار الدىندا شوكولاد جەۋ ۇيقىسىزدىققا اكەلەدى. سوندىقتان شوكولادتى بويىڭىزعا كۇش بەرۋ ءۇشىن تاڭەرتەڭ نە كۇندىز جەگەن ءجون.