07:17, 03 - اقپان 2016 | GMT +5
دارۋمەندەر بالالاردىڭ مىنەز-قۇلقىن جاقسارتادى - دارىگەرلەر
استانا. قازاقپارات - دارۋمەندەر مەن مينەرالدىق زاتتارعا باي راتسيون بەلسەندىلىگى جوعارى بالالاردى تىنىشتاندىرۋعا ىقپال ەتەدى، دەپ مالىمدەدى جاڭازەلانديالىق عالىمدار.
زەرتتەۋشىلەر 14 بەلسەندىلىگى جوعارى بالالاردى باقىلاعان، ولارعا نازار تاپشىلىعى سيندرومى دياگنوزى قويىلدى. تابلەتكا ورنىنا ولارعا 36 ينگرەديەنتپەن مينەرالدار كەشەنى مەن دارۋمەندەر بەرىلدى.
بۇل پرەپاراتتاردى بالالار سەگىز اپتا قابىلدادى. سودان كەيىن ءتورت اپتا ءۇزىلىس جاسادى. وسىنداي قابىلداۋ-دەمالۋ رەجىمى التى ايلىق زەرتتەۋ ارالىعىندا قايتالانىپ وتىردى.
تەراپەيانىڭ تيىمدىلىگى جوعارى بولىپ شىقتى. بالالار بيولوگيالىق بەلسەندى قوسپالاردى (ب ا د) قابىلداۋدى توقتاتقان كەزدە سيندروم بەلگىلەرى بىرنەشە كۇندە قايتا پايدا بولدى. ءتىپتى بەيمازالىق، كۇيگەلەكتىك كەزىندە تىنىشتاندىرۋ دارىلەرى كومەكتەسە الماعان بولسا، دارۋمەندەردى قابىلداعان كەزدە بالالاردىڭ كوڭىل كۇيلەرى كوتەرىڭكى بولدى.
