پاۆلوداردا تاۋىقتىڭ ەتىن ساتۋشىلار ىمىرالاسىپ باعانى كوتەرىپ جىبەرگەن
«ءىس ماتەريالدارىندا «ايس لەند» ج ش س نارىقتىڭ باسقا سۋبەكتىسىمەن بىرگە تاۋىقتىڭ سان ەتتەرىنىڭ باعالارىن بەلگىلەۋ جانە ۇستاپ تۇرۋ بويىنشا «باسەكەلەستىك تۋرالى» زاڭىمەن تىيىم سالىنعان باسەكەلەستىككە قارسى كەلىسىلگەن ءىس- ارەكەتتەردى جاساعانى انىقتالدى. نارىق سۋبەكتىلەرى 2015 -جىلدىڭ قىركۇيەگىندە سول جىلدىڭ تامىز ايىندا ساتىپ الىنعان كولەمنىڭ كوتەرمە باعاسىن ءوسىرىپ، سول ارقىلى ساۋدالاۋ باعاسىنىڭ ءوسىمىن ساتىپ الۋ باعالارىنا قايشى ەتكەن»، دەلىنگەن حابارلامادا.
سوت قاۋلىسىمەن «ايس لەند» ج ش س اكىمشىلىك قۇقىق بۇزۋشىلىقتى جاساۋدا ايىپتى دەپ تانىلىپ، 73171 تەڭگە كولەمىندەگى مونوپوليالىق كىرىستى تاركىلەۋمەن بىرگە مەملەكەت پايداسىنا 43983 تەڭگە كولەمىندە ايىپپۇل تولەۋدى مىندەتتەدى.
سوت قاۋلىسى ءالى زاڭدى كۇشىنە ەنگەن جوق.
نارىقتىڭ تاعى ءبىر سۋبەكتىسىنە قاتىستى اكىمشىلىك ماتەريال اكىمشىلىك سوتتىڭ قاراۋىندا.
