الماتىدا كوپبالالى وتباسىلارعا ءدارى ساتىپ الۋعا قاجەتتى سەرتيفيكاتتار تابىس ەتىلدى - فوتو
بۇل جولى كوپبالالى جانە الەۋمەتتىك از قامتىلعان 10 وتباسىنا قاجەتتى ءدارى-دارمەكتەر ساتىپ الۋ ءۇشىن سەرتيفيكاتتار تابىس ەتىلدى. اتالمىش جوعارى وقۋ ورنىنىڭ ستۋدەنتتەرى اكسيا باستالعالى بەرى قايىرىمدىلىق شارالارىنا بەلسەندى تۇردە اتسالىسىپ ءجۇر.
ءال- فارابي اتىنداعى قاز ۇ ۋ جاستار ۇيىمدارى كوميتەتىنىڭ ءتورايىمى ايسۇلۋ ەرنيازوۆانىڭ ايتۋىنشا، مۇنداي اكتسيالار جاستارعا عانا ەمەس بارلىق قالا تۇرعىندارىنا ۇلگى بولادى.
«ءال-فارابي اتىنداعى قاز ۇ ۋ ستۋدەنتتەرى قالا جاستارىمەن بىرلەسە وتىرىپ، بيىلعى جىلدىڭ سوڭىنا دەيىن وسى اكسياعا قاتىسادى. «1000 ىزگىلىكتى ءىس» اكسياسىنىڭ ماقساتى - كوپ بالالى جانە الەۋمەتتىك از قامتىلعان وتباسىلارىنا، جالعىز باستى قارتتارعا، ۇلى وتان سوعىسىنىڭ ارداگەرلەرىنە، مۇمكىندىگى شەكتەۋلى جاندارعا، مۇگەدەك جانە جەتىم بالالالارعا كومەك كورسەتۋ»، - دەدى ا. ەرنيازوۆا.
بۇدان باسقا، ۋنيۆەرسيتەتتىڭ بەلسەندى جاستارى جوعارى وقۋ ورىندارى مەن تەحنيكالىق جانە كاسىپتىك ءبىلىم بەرەتىن وقۋ ورىندارىنىڭ تۇلەكتەرىن جۇمىسقا ورنالاستىرۋ، «كەڭەس» ورتالىعى ارقىلى ولارعا زاڭدىق اقىل- كەڭەستەر بەرۋ، سونداي-اق، اتالعان وقۋ ورىندارىندا دايىندىق كۋرستارىن ۇيىمداستىرۋ جۇمىستارىن دا قولعا الدى.
الداعى ۋاقىتتا، جۇمىس جوسپارى كەلىپ تۇسكەن ۇسىنىستار مەن پىكىرلەر نەگىزىندە ازىرلەنەتىن بولادى.
اۆتور: جاپپاربەرگەن ايبوتا
