ءلاززات يبراگيموۆا «بايتەرەك» حولدينگى باسقارما ءتوراعاسىنىڭ ورىنباسارى بولدى

استانا. قازاقپارات - بۇعان دەيىن «دامۋ» قورىن باسقارعان ءلاززات يبراگيموۆا «بايتەرەك» حولدينگى باسقارما ءتوراعاسىنىڭ ورىنباسارى قىزمەتىنە اۋىستى.

ال، الينا الدامبەرگەن باسقا جۇمىسقا اۋىسۋىنا بايلانىستى «بايتەرەك» حولدينگى باسقارما ءتوراعاسىنىڭ ورىنباسارى قىزمەتىنەن بوساتىلدى. بۇل تۋرالى «بايتەرەك» ۇ ب ح- نىڭ باسپا ءسوز قىزمەتى حابارلادى.

«بايتەرەك» ۇلتتىق باسقارۋشى حولدينگى قازاقستان رەسپۋبليكاسى پرەزيدەنتىنىڭ 2013 -جىلعى 22 -مامىرداعى جارلىعىمەن قۇرىلدى.

حولدينگتىڭ نەگىزگى مىندەتى - دامۋ ينستيتۋتتارىن، قارجى ۇيىمدارىن باسقارۋ جانە ۇلتتىق ەكونوميكانى دامىتۋ جۇيەسىن وڭتايلاندىرۋ. حولدينگ قۇرىلىمىنا تومەندەگى ەنشىلەس ۇيىمدار ەنەدى:

«قازاقستاننىڭ دامۋ بانكى» ا ق، «قازىناكاپيتالمەنەدجمەنت» ا ق، «قازاقستاننىڭ ينۆەستيتسيالىق قورى» ا ق، «قازەكسپورتگارانت» ەكسپورت-كرەديتتىك ساقتاندىرۋ كورپوراتسياسى» ا ق، «مەملەكەتتىك- جەكە مەنشىك سەرىكتەستىك جوبالارىن سۇيەمەلدەۋ ورتالىعى» ج ش س، «تەحنولوگيالىق دامۋ جونىندەگى ۇلتتىق اگەنتتىك» ا ق، «دامۋ» كاسىپكەرلىكتى دامىتۋ قورى» ا ق، «قازاقستاننىڭ تۇرعىن ءۇي جيناقتاۋ بانكى» ا ق، «قازاقستان يپوتەكالىق كومپانياسى» ا ق، «بايتەرەك ديەۆەلوپمەنت» ا ق، «يپوتەكالىق كرەديتتەردى كەپىلدەندىرۋدىڭ قازاقستاندىق قورى» ا ق.