ماڭعىستاۋدا بيزنەس- ينكۋباتور اشىلدى - فوتو

اقتاۋ. قازاقپارات - ماڭعىستاۋ وبلىسىنىڭ مۇنايلى اۋدانىندا شاعىن كاسىپكەرلىك سۋبەكتىلەرىن ولاردىڭ دامۋىنىڭ ەرتە كەزەڭىندە قولداۋ جانە دامىتۋ باعدارلاماسىنىڭ اياسىنداعى بيزنەس- ينكۋباتور ءوز جۇمىسىن باستادى.

بيزنەس- ينكۋباتور جەرگىلىكتى كاسىپكەرلەرگە ناقتى كومەگىن كورسەتىپ وتىر. 12 كاسىپكەر بارلىق قاجەتتى جابدىقتارى، جيھاز جانە ۇيىمداستىرۋ تەحنيكاسى بار كەڭسە بولمەلەرىن جەڭىلدىك جاعدايدا جالعا الۋدا. ودان بولەك، ءوز بيزنەسىن اشقىسى كەلىپ وتىرعاندارعا كاسىپكەرلەردى قولداۋ ورتالىعىنىڭ مەنەدجەرلەرى ەسەپشىلىك، زاڭدىق، كونسالتينگتىك قىزمەتتەر كورسەتەدى. جوبانى ماڭعىستاۋ وبلىسى كاسىپكەرلەر پالاتاسىنىڭ مۇنايلى اۋداندىق فيليالى باسقارادى.

اشىلعان بيزنەس- ينكۋباتوردىڭ جانىندا ەندى اۋماعى 1 گەكتار بازار دا جۇمىس ىستەۋدە، مۇندا وتاندىق تاۋار وندىرۋشىلەر جەرگىلىكتى ءونىمدى دەلدالدارسىز ساتا الادى.

«بازاردا ازىق- تۇلىكتىڭ نەگىزگى 33 ءتۇرى ۇسىنىلعان، ولاردىڭ باعالارى كوتەرىلمەيدى. بۇدان باسقا، ءىسىن ەندى باستاپ جاتقان كاسىپكەرلەردى قولداۋ ءۇشىن ولاردىڭ العاشقى ەكى ايدا جالعا الۋ اقشاسىن تولەمەيتىنى جاريالانعان. ايتا كەتەيىك، ونىڭ باعاسى دا جوعارى ەمەس - 15 مىڭنان 20 مىڭ تەڭگە ارالىعىندا. ءبىزدىڭ بازاردا بارلىق تاۋارلاردىڭ باعالارى نارىقتان تومەن بولادى»، - دەپ اتاپ ءوتتى كاسىپكەرلەر پالاتاسىنىڭ مۇنايلى اۋداندىق فيليالىنىڭ ديرەكتورى ادىلەت ءسامي.