قىتاي كومپانيالارى ماڭعىستاۋدا مۇناي زاۋىتىن سالۋعا كومەكتەسۋگە دايىن وتىر - وبلىس اكىمى
«قىتاي كومپانيالارىمەن بىرلەسكەن جوسپارلارىمىز بارشىلىق. شىندىعىندا، ماڭعىستاۋ وبلىسىندا ءتورتىنشى مۇناي وڭدەۋ زاۋىتىن سالۋعا قاتىستى مەنى ەشكىم قولداعان جوق، ءبىراق قىتايلار قولدايدى. ويتكەنى، يراندا، پارسى شىعاناعى ەلدەرىندە، افريكادا جۇمىس ىستەپ جاتقان قىتايلار بۇنداي زاۋىتتىڭ بولاشاعىن دۇرىس باعامداي الادى. ولار ماعان: «مۇناي وڭدەۋ زاۋىتى قازىرگى زامان تالاپتارىمەن سالىنسا، مۇناي ونىمدەرىن يرانعا، ودان ءارى باسقا ەلدەرگە دە ساتۋعا بولادى» دەپ وتىر» ، - دەيدى ا. ايداربايەۆ.
دەگەنمەن، وبلىس اكىمىنىڭ سوزىنە قاراعاندا، ماڭعىستاۋ وبلىسىندا مۇناي زاۋىتىن سالۋ ازىرشە «يدەيا كۇيىندە» عانا قالىپ وتىر.
«سوندىقتان دا، ءبىز قىتايلىق كومپانيالارمەن بىرلەسىپ، بولاشاق زاۋىتتىڭ تەحنيكالىق- ەكونوميكالىق نەگىزدەمەسىن جاساعىمىز كەلەدى. سوندا عانا مەن بۇل ماسەلەنى كوتەرە الامىن. ازىرگە بۇل يدەيا دەڭگەيىندە عانا» ، - دەيدى وبلىس باسشىسى.
