15:37, 02 - اقپان 2016 | GMT +5
ەكسكۋرسيا كەزىندە ءپىل بريتاندىق تۋريستى تاپتاپ تاستادى
استانا. قازاقپارات - تايلاندتا سامۋي ارالىندا ەكسكۋرسيا ۋاقىتىندا ءپىل ۇلى بريتانيادان كەلگەن تۋريستى تاپتاپ تاستادى.
باسىلىم اقپاراتىنا سۇيەنسەك، وقيعا «پىلمەن ترەكينگ» كەزىندە ورىن العان. شوتلانديانىڭ 36 جاستاعى ازاماتى 16 جاستاعى قىزىمەن پىلگە ءمىنىپ سەرۋەندەپ كەلە جاتقان. ءپىل جولسەرىگىن تىڭداماعان سوڭ، الگى ءپىلدى تارتىپكە شاقىرىپ، ونى قايرالعان ىلمەكپەن بىرنەشە رەت ۇرىپ جىبەرەدى. ءپىل تىنىشتالىپ قالادى، الايدا جولسەرىك پىلدەن ءتۇسىپ، ونىڭ ارقاسىندا سەبەتتە وتىرعان تۋريستى فوتوعا تۇسىرمەكشى بولعان كەزدە ونى سويداق تىسىمەن ۇرىپ قۇلاتادى.
سوسىن ءپىل ۇستىندەگى بريتاندىق پەن ونىڭ قىزىن جەرگە قۇلاتادى دا، ەر ادامدى تاپتاپ، سويداق تىسىمەن جۇرەك تۇسىنان ۇرىپ جىبەرەدى. بريتاندىقتىڭ اياعى پروتەز بولعاندىقتان، ول قاشىپ ۇلگەرمەگەن. تۋريستىڭ قىزى زارداپ شەككەن جوق، دەپ جازادى شەتەلدىك ب ا ق.
