ا ق ش- قا ءۇش ايلىق وقۋعا بارعان ورالمان قىز سول ەلدە اقپارات قاۋىپسىزدىگى سالاسىنداعى ءىرى كومپانيادا جۇمىس ىستەپ ءجۇر
پاۆلودار قالاسىنداعى ۋنيۆەرسيتەتتەردىڭ بىرىندە 3-كۋرستا وقىپ جۇرگەن ايگەرىم سەڭگىربايەۆ 2011-جىلى ستۋدەنتتەرگە ارنالعان Work and Travel باعدارلاماسىمەن ءۇش ايعا ا ق ش- قا وقۋعا بارىپ، سول ەلدە قالىپ قويعان.
- ا ق ش- قا 1 مىڭ دوللارمەن باردىم. سان- فرانتسيسكودا ءبىر اي بويى جۇمىس ىزدەپ، كافەلەردىڭ بىرىنە داياشى بولىپ جۇمىسقا تۇردىم. سۋپەرماركەتتە كاسسير بولىپ تا ىستەدىم، - دەيدى 25 جاستاعى ايگەرىم.
ول قازاقستاندا اعىلشىن ءتىلى كۋرسىن وقىعانىمەن، ا ق ش- تاعى العاشقى ەكى جىلىندا تىلدەن قاتتى قيىندىق كورگەنىن ايتادى.
- داياشى مەن كاسسير بولىپ جۇمىس ىستەۋ دە ءتىل ۇيرەنۋىمە كومەك بولدى. ءبىراق اعىلشىن ءتىلىن كينو كورۋ ارقىلى ۇيرەندىم. كۇنىنە ءبىر-ەكى فيلم كورۋدى ماقسات ەتىپ، سونى ورىنداپ وتىردىم. اعىلشىن ءتىلىن جەتىك بىلمەسەم، امەريكادا ماعان ورىن جوق ەكەنىن ءتۇسىندىم، - دەيدى قازاق جاسى.
ءبىراق تىلدەن قينالعان ايگەرىم ا ق ش- تىڭ ءومىر سالتىنا كەلگەندە ەشبىر اۋىرتپالىق كورمەگەنىن ايتادى.
- سەبەبى مەن 11 جاسىمدا قازاقستانعا وزبەكستاننان كەلگەن ورالمانمىن. ورىس ءتىلىن قازاقستاندا ۇيرەندىم. باسقا ەلگە كوشۋ مەن جاڭا ەلگە ۇيرەنۋ ماعان تانىس، - دەيدى ول.
ايگەرىم سەڭگىربايەۆ 2014-جىلى ا ق ش- تاعى جاستارعا ارنالعان Year Up ۇيىمىنىڭ ءبىلىم باعدارلاماسىن ۇتىپ الىپ، التى اي بويى سان-فرانتسيسكودا تەحنيكالىق ءبىلىم العان. كەيىن امەريكالىق كومپانيالاردا تاجىريبەدەن وتكەن قازاق قىزى اقپاراتتىق قاۋىپسىزدىك جانە اقپاراتتى قورعاۋ سالاسىنداعى الەمدىك ءىرى كومپانيالاردىڭ ءبىرى Symantec كومپانياسىنا جۇمىسقا تۇرعان.
- تاجىريبەدەن ءوتىپ جۇرگەندە ۇيالماي بارلىعىن سۇرادىم. ارىپتەستەرىم دە كومەكتەرىن اياعان جوق. جەتىستىككە جەتۋ ءۇشىن قاتەلەسۋدەن قورىقپاۋ كەرەك. قازىر اپتاسىنا 40 ساعات جۇمىس ىستەيمىن، تاپقانىم ءومىر سۇرۋگە جەتەدى. ومىردە جەڭىسكە جەتۋگە ۇلكەن سەپتىگىن تيگىزەتىن - ءتىل ءبىلۋ. ءوز تىلىنەن بولەك وزگە ەكى-ءۇش ءتىل بىلەتىن ادام جاقسى جۇمىس تابا الادى، - دەيدى ايگەرىم.
ول قازاقستاندا جۇرسە، ءدال وسىنداي جەتىستىككە جەتىپ، تەحنيكالىق سالادا جۇمىس ىستەي الارىنا كۇماندانادى.
- سەبەبى قازاقستاندا تەحنيكالىق ماماندىقتارعا كوبىنە ەر ادامداردى الادى. ال ا ق ش- تا ەر مەن ايەل ادام كەز كەلگەن جۇمىستى بىردەي ىستەپ كەتە الادى دەپ بىلەدى، - دەيدى ول.
2011-جىلى كەتكەننەن بەرى قازاقستانعا كەلمەگەن ايگەرىم سەڭگىربايەۆا پاۆلودارداعى جۋرناليستيكا ماماندىعى بويىنشا 3-كۋرسىن اياقتاعان وقۋىن قاشىقتان وقىپ بىتىرگەن. قازىر جۇمىسىنا باسا كوڭىل ءبولىپ جۇرگەنىن ايتقان جاس دەمالىس العان كەزىندە الماتى ماڭىنداعى قاسكەلەڭ قالاسىندا تۇراتىن اكە-شەشەسىنىڭ ۇيىنە كەلىپ قايتپاق.
«ازاتتىق»
