جەلىدە گەننادي گولوۆكيننىڭ بالالىق شاعى مەن تۋعان اۋدانى تۋرالى روليك پايدا بولدى - كەسكىن

استانا. قازاقپارات - جەلىدە گەننادي گولوۆكيننىڭ بالالىق شاق جىلدارى مەن تۋعان اۋدانى تۋرالى روليك پايدا بولدى، دەپ حابارلايدى Vesti.kz.

ونى قاراعاندىلىق BALLAT MEDIA شىعارعان. نازاردا - گەننادي گولوۆكينىڭ ءبىرىنشى تالىمگەرى بولعان جاتتىقتىرۋشى ۆيكتور دميتريەۆ.

«بارلىق ۇرپاقتاردىڭ بارلىق ۇلدارى بىردەي، ءاربىر ۇرپاقتىڭ الدىنا تۇسەتىن ءوز سىنى بار، تاباندىلىق پەن ماقساتقا ۇمتىلۋشىلىق ءاربىر ادامعا قيىندىقتان وتۋگە كومەكتەسەدى. بوكس جۇلدىزى GGG جاس بالالاردى كۇن سايىن ودان سايىن شابىتتاندىرا ءتۇسىپ وتىر. بۇل روليكتە گەننادي گولوۆكيننىڭ ءبىرىنشى جاتتىقتىرۋشىسى دميتريەۆ ۆيكتور كوستانتينوۆيچ ءوز تاربيەلەنۋشىسى تۋرالى باياندايدى. فيلمنىڭ باستى كەيىپكەرلەرى - GGG مەن مايقۇدىق»، - دەلىنگەن روليكتىڭ سيپاتتاماسىندا.

مايقۇدىقتىڭ قاراعاندىدا گەننادي گولوۆكيننىڭ بالالىق شاعى وتكەن اۋدان ەكەنىن اتاپ ءوتۋ كەرەك.