دەنساۋلىق: تىرتىقتان قالاي ارىلۋعا بولادى؟

استانا. قازاقپارات - ءتۇرلى سەبەپتەرمەن بولعان جاراقاتتان قالاتىن تىرتىقتان ارىلۋ جولدارى جەتەرلىك.

سولاردىڭ anabol.kz سايتىندا جازعان بىرنەشە ءتۇرىن ۇسىنامىز.

ليمون شىرىنى

ليمون شىرىنىن تىرتىققا كۇندەلىكتى جاعىپ وتىرۋ كەرەك. بۇل ەمدى ناتيجە شىققانشا جالعاستىرىڭىز. س دارۋمەنىنە باي ليمون شىرىنى دوڭكيىپ تۇرعان تەرىنى جۇمسارتىپ، ورنىنا كەلتىرەدى جانە قىزارعانىن (كەيبىرى كوگەرگەندى) باسادى.

الوە ۆەرا

ول تەرىنىڭ قايتا قالپىنا كەلۋىن قامتاماسىز ەتەدى. الوە ۆەرا شىرىنىندا س جانە ە دارۋمەندەرىنىڭ مولشەرى كوپ. ولار تەرىنى جاسارتىپ، ەمدەيتىن انتيوكسيدانتتار ەكەنى بەلگىلى.

اسپيرين

2 تابلەتكانى ۇنتاقتاپ، قويمالجىڭ بولۋى ءۇشىن 1-2 تامشى سۋ تامىزىڭىز. ونى تىرتىققا جاعىپ، كەۋىپ قالعاندا سۋمەن جۋىپ تاستاڭىز. بۇل ەمدى كۇندەلىكتى قايتالاڭىز.

بال

بال تەرىنى قاجەتتى دارۋمەندەرمەن، مينەرالدارمەن جانە انتيوكسيدانتتارمەن قامتاماسىز ەتەدى. تىرتىق بولىپ، قاتايعان تەرىنى جۇمسارتىپ، تەرىنىڭ تابيعي ءتۇسىن قايتارادى. سونداي-اق، تەرىنىڭ جاڭا جاسۋشالارىنىڭ تۇزىلۋىنە اسەر ەتەدى.

الما سىركەسۋى

ونىڭ دا قاتايعان تەرىنى جۇمسارتاتىن، ءتۇسىن قايتا قالپىنا كەلتىرەتىن اسەرى بار. سوندىقتان، كۇنىنە بىرنەشە رەت الما سىركەسۋىمەن تىرتىقتى ءسۇرتۋ پايدالى.

سارىمساق مايى

ونىمەن دە تىرتىقتى ەمدەۋگە بولادى. ەگەر سارىمساق مايى تابىلماسا، سارىمساقتىڭ ءوزىن ەزىپ الىپ، تىرتىققا باسۋ كەرەك.