پرەزيدەنت ينستاگرامدا اككاۋنت اشتى
«تۇرعىندار ينستاگرامدا مەنىڭ اتىمنان اشىلعان جالعان پاراقشالارداعى پىكىرلەرگە شاعىمدانۋدا. سول سەبەپتى رەسمي پاراقشامدى اشۋ كەرەك دەپ شەشتىم. بۇدان باسقا پاراقشالار مەنىكى ەمەس»، - دەپ جازدى پرەزيدەنت فەيسبۋكتەگى جەكە پاراقشاسىندا.
ونىڭ «دجوكوۆي» (يندونەزيالىقتاردىڭ كوبى ۆيدودونى سولاي اتايدى) اتتى پاراقشاسىن ينستاگرام الەۋمەتتىك جەلىسىنىڭ اكىمشىلىگى رەسمي تۇردە راستاعان.
تىركەلگەن كۇنى دجوكو ۆيدودونىڭ پاراقشاسىنا 203 مىڭ ادام جازىلعان. يندونەزيا پرەزيدەنتى الەۋمەتتىك جەلىلەردى بەلسەندى پايدالانادى، جازىلۋشىلارىنا ماڭىزدى مەملەكەتتىك شەشىمدەر تۋرالى حابارلاپ، نەمەسە ءوزىنىڭ كورگەن-بىلگەندەرىمەن ءبولىسىپ وتىرادى.
ونىڭ فەيسبۋكتەگى پاراقشاسىنا 6 ميلليوننان استام ادام جازىلعان. وسى الەۋمەتتىك جەلىدە بۇل سەكىلدى پاراقشاسىنا پايدالانۋشىلار كوپ جازىلعان مەملەكەت باسشىلاردىڭ قاتارىندا - ا ق ش پرەزيدەنتى باراك وباما، ءۇندىستان پرەمەر-ءمينيسترى نارەدر مودي جانە تۇركيا پرەزيدەنتى رەدجەپ تايىپ ەردوعاننىڭ پاراقشالارى بار.
