الماتىدا ايگىلى ديريجەر الان بورىبايەۆ تۋرالى ەكى دەرەكتى فيلمنىڭ تۇساۋى كەسىلدى
ەكى فيلمدى دە رەجيسسەر ەرمەك شىناربايەۆ تۇسىرگەن.
ەستەرىڭىزگە سالا كەتەلىك، قازىر ەلىمىزدە ق ر پرەزيدەنتى نۇرسۇلتان نازاربايەۆتىڭ تاپسىرماسىمەن ق ر مادەنيەت جانە سپورت مينيسترلىگى جاس تاۋەلسىز قازاقستاندى بۇكىل الەمگە تانىتىپ جۇرگەن اتاقتى تۇلعالار جايىندا دەرەكتى فيلمدەر سەرياسىن ءتۇسىرىپ جاتىر.
سونداي تۇلعالاردىڭ قاتارىندا الەمدەگى ەڭ تانىمال جاس ديريجەرلەردىڭ ءبىرى - الان بورىبايەۆ تا بار. ول الەم بويىنشا ايگىلى وركەسترلەرمەن جۇمىس ىستەگەن. الاننىڭ جەتەكشىلىگىمەن ازىرلەنگەن مۋزىكالىق تۋىندىلار الەمگە بەلگىلى تەاترلاردا قويىلدى.
«الان بورىبايەۆ، كارمەن» جانە «اباي» دەرەكتى فيلمدەرى كورەرمەندەرگە «كارمەن» جانە «اباي» وپەرالارىن قويۋ جۇمىستارىنىڭ قالاي جۇرگىزىلگەندىگى تۋرالى سىر شەرتەدى.
فيلمدى جاساۋشىلاردىڭ ايتۋىنشا، فيلمدى تۇسىرۋدەگى باستى ماقسات - كورەرمەندەردى مۋزىكانتتىڭ شىعارماشىلىعىمەن عانا تانىستىرۋ ەمەس، ونىڭ مۋزىكا سالاسىنداعى جولىنىڭ قۇپياسىن اشۋ بولعان.
«بۇل ەكى فيلم مەن تۋرالى بۇعان دەيىنگى تۇسىرىلگەن كينو تۋىندىلاردان ەرەكشە. ەرمەك شىناربايەۆ - وتە دارىندى ادام، تاماشا رەجيسسەر. ول بۇل فيلمدەردى ءوز كوزقاراسىمەن، ءوز ۇستانىمىمەن ءتۇسىردى. نەگىزىنەن، ءتۇسىرۋ جۇمىستارىنىڭ كوبىسى الماتىدا جۇرگىزىلدى. ول ءبىر-بىرىنە ۇقسامايتىن ەكى فيلمدى دۇنيەگە اكەلدى. ەڭ باستىسى، ول ديريجەر ماماندىعىنىڭ تۇپكى ءمان-ماعىناسىن بەرۋگە تىرىستى. ويتكەنى، رەجيسسەرلاردىڭ بارلىعى بىردەي ديريجەردىڭ شىن مانىسىندە نەمەن اينالىساتىنىن تۇسىنە بەرمەيدى. ال ەرمەك رەپەتيتسيالىق ۇدەرىستەر مەن كورسەتىلىمدەردىڭ بارلىعىن ءتۇسىرىپ شىقتى. رەپەتيتسيا بارىسىندا مەنىڭ ارتىستەر مەن وركەسترگە قويعان تالاپتارىم ەرمەك ىزدەگەن ماتەريالداردىڭ جەلىسىنە اينالدى»، - دەدى فيلمدەردىڭ باس كەيىپكەرى، ديريجەر الان بورىبايەۆ.
اۆتور: جاپپاربەرگەن ايبوتا
