سامارادا پانكراتيوننان وتكەن «مىقتىلار شايقاسىندا» قازاقستان قۇراماسى جەڭىمپاز اتاندى - فوتو

ورال. قازاقپارات - سامارا قالاسىندا كاسىپقوي پانكراتيوننان وتكىزىلگەن «مىقتىلار شايقاسى» حالىقارالىق تۋرنيرىندە قازاقستان قۇراماسى جەڭىمپاز اتاندى.

بوكستان حالىقارالىق دارەجەدەگى سپورت شەبەرى، ب ق و دەنە شىنىقتىرۋ جانە سپورت باسقارماسىنىڭ باسشىسى ازامات بەكەت باستاپ بارعان ەل قۇراماسى ساپىندا جۇمان جۇمابەكوۆ (62 كەلى، الماتى)، ەربول ساعيدوللا (66 كەلى، اتىراۋ)، المات ەسەنتايەۆ (71 كەلى، ب ق و)، گويتي دوزايەۆ (77 كەلى، اقتوبە)، داۋرەن ەرمەكوۆ (84 كەلى، اقتوبە) جانە اندرەي سميرنوۆ (93 كەلى، ب ق و) ونەر كورسەتتى. قازاقستاندىقتار رەسەيلىكتەرمەن التى ۇرىستىڭ تورتەۋىندە جەڭىسكە جەتىپ، اۋىسپالى كۋبوكتى جەڭىپ الدى.