اۋعانستانداعى جاعداي كۇردەلەنسە كوشى-قون اعىنى كۇشەيۋى مۇمكىن
بۇگىن پارلامەنت سەناتى كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىنان سوڭ جۋرناليستەرگە بەرگەن سۇحباتىندا ىشكى ىستەر ءمينيسترىنىڭ ورىنباسارى ۆلاديمير بوجكو وسىلاي ءمالىم ەتتى.
«ءبىز اۋعانستانداعى جاعدايدىڭ كۇردەلەنىپ بارا جاتقانىن، ونىڭ ۋشىعۋ مۇمكىندىگىن تۇسىنۋگە ءتيىسپىز. سوندىقتان دا، بارىنە ءازىر بولۋىمىز كەرەك، ەڭ باستىسى بىزگە بوسقىنداردىڭ اعىنى جاعدايىن دا، كوشى-قون پروتسەسستەرىنىڭ كۇشەيۋ ۇدەرىسىن دە قاپەردە ۇستاعان ءلازىم. مەملەكەت وسى ۇدەرىستەردى نازاردا ۇستاپ وتىر، سوندىقتان دا، ءبىزدىڭ ەلىمىز ءۇشىن وسىنداي قاتەرلەرگە دەر كەزىندە دەن قويۋ ماڭىزدى»، - دەدى ۆ. بوجكو.
ونىڭ ايتۋىنشا، اۋعانستانداعى سوڭعى وقيعالار تۋرالى نازاردان تىس قالدىرماۋ كەرەك. سوندىقتان دا، مينيسترلىك بۇل ماسەلەنى ءجىتى باقىلاۋدا ۇستاپ وتىر.
اۆتور: قانات مامەتقازى ۇلى
