شالبارىن شەشكەن ساۋديالىق كەدەنشىلەردى قايران قالدىردى
ولار بۇل جولى كورولدىك اۋماعىنا وزگەشە جولمەن سپيرتتى ىشىمدىكتەر الىپ وتپەك بولعان وتانداستارىن ۇستادى.
بۇل تۋرالى Time گازەتىنە سىلتەمە جاساعان ras.kz حابارلادى.
كورولدىك ازاماتى الكوگولدى ىشىمدىكتەردىڭ ءتۇر-ءتۇرىن باحرەيننەن الىپ كەلە جاتقان. ول بۇلاردى يسلام شاريعاتىمەن تىيىم سالىنعان ساۋد ارابياسىنا قاراي الىپ وتۋگە ارەكەت جاساعان. ءتارتىپ بۇزۋشى مۇنى ءارتۇرلى شىنىلاردى دەنەسىنىڭ ءار بولىگىنە سكوتچپەن تىعىز بەكىتىپ تاستاۋ ارقىلى جۇزەگە اسىرماقشى بولعان.
الايدا، ساقشىلار ونى دەر كەزىندە توقتاتا قويدى. ال شالبارىن شەشكىزىپ قاراعان كەزدەرىندە، وندا كورگەندەرىنەن كوپتى كورىپ جۇرگەن كەدەنشىلەردىڭ ءوزى قاتتى قايران قالدى.
ايران-اسىر بولعان ساۋديا كەدەنشىلەرى ەكى اياققا تاڭىلعان تۋرا 14 بوتەلكە الكوگولدى ىشىمدىكتى الىپ شىعاردى. ولار سوڭىندا بۇل شيشالاردى تۇگەل تاركىلەپ الىپ قانا قويا سالعان جوق، سونىمەن بىرگە وسىنشالىقتى دارەجەدە ءتارتىپ بۇزعان ازاماتتىڭ ۇستىنەن حاتتاما تولتىردى. ەڭ اقىرىندا «قاھارماننىڭ» وسى ماسقارا بولىپ تۇرعان سۋرەتىن الەۋمەتتتىڭ جەلىگە سالىپ قويدى.
ايتا كەتۋ كەرەك، ساۋد ارابياسىنا كورشى باحرەيننەن سپيرتتى ىشىمدىك اكەلۋشىلەردىڭ جولدارىن جەرگىلىكتى شەكاراشىلار ۇنەمى كەسىپ كەلەدى. ءبىراق ەكى ەلدىڭ شەكاراسىندا مىناداي مولشەردە جانە مىناداي تاسىلمەن الىپ وتۋگە ارەكەت ەتىپ، ۇستالۋشى ءبىرىنشى رەت كەزدەسىپ وتىر ەكەن.
يسلامدا الكوگولدى ءوندىرۋ، پايدالانۋ، ساتۋ، تاسىمالداۋ ارەكەتتەرىنىڭ بارلىعىنا قاتاڭ تىيىم سالىنعان. كورولدىكتە مۇنداي ءتارتىپ بۇزۋشىلىق دۇرە سوعۋ نەمەسە تۇرمەدە وتىرۋ جازالارىنا كەسىلەدى.
