ۋكراينادان قىتايعا جول تارتقان پويىز قازاقستاندا جوعالىپ كەتتى

استانا. قازاقپارات - جوعالعان جۇك پويىزى ۋكراينادان قىتايعا ەۋروپالىق تاۋارلاردى تاسىمالداماق بولعان. رەسەيدى اينالىپ وتپەك بولعان ول قازاقستان اۋماعىنداعى جاڭا «جىبەك جولى» باعىتىمەن قوزعالعان كورىنەدى.

ت ا س س اگەنتتىگىنىڭ حابارلاۋىنشا، ق ت ج- نىڭ باسپا ءسوز قىزمەتى اتالعان قۇرامنىڭ قايدا ەكەنىن ناقتى ايتا الماي، ەل اۋماعىمەن ءجۇرىپ بارا جاتىر دەپ قىسقا قايىرىپتى.

دەرەككوزدىڭ حابارلاۋىنشا، كەشەگى دەمالىس كۇندەرى ەۋروپالىق پويىزدىڭ ۆاگوندارىن جەرگىلىكتى كولىك كومپانيالارىنىڭ ءبىرى بالقاش ستانتسياسىندا لوكوموتيۆتەن اجىراتىپ العان. ايتۋلارىنشا، ۋكراينا تاراپى تاسىمال ءۇشىن ءتيىستى قاراجاتتى تولەمەگەن كورىنەدى. بۇل اقپارات رەسمي راستالماعانىمەن، قازاق-قىتاي شەكاراسىنداعى دوستىق ستانتسياسىنا اتالعان پويىزدىڭ بارماعانى بەلگىلى.

ايتا كەتەيىك، ۋكراينا - گرۋزيا - ءازىربايجان - قازاقستان - قىتاي باعىتىنداعى ەكسپەريمەنتالدى پويىز 15- قاڭتار كۇنى جولعا شىققان بولاتىن. جول بويى ول ەكى تەڭىزدەن ءوتىپ (قارا تەڭز بەن كاسپي تەڭىزى)، قازاقستان اۋماعىنا كىرگەن. ەكپەرمينتالدى پويىز بولعاندىقتان ونىڭ ۆاگوندارىنا اۋىر جۇك ارتىلماعان.

بۇعان دەيىن قىتايدان ەۋروپاعا دەيىن پويىزدار رەسەي ارقىلى جۇرەتىن. ول كەزدە ءبىر نۇكتەدەن ەكىنشى نۇكتەگە جەتۋ ءۇشىن تۋرا 30 كۇن ۋاقىت كەتەتىن ەدى. ال، جاڭا باعىت بۇل جولدى بىرنەشە ەسەگە قىسقارتىپ، ۋاقىتى 9 كۇندى قۇراپ وتىر.
sn.kz