ەرتەڭ استانالىقتار سيمفونيالىق مۋزىكا جاۋھارىن شەبەرلەر ورىنداۋىندا تىڭدايدى
ءسوليستى - ماسكەۋلىك دارىندى پيانيست، «Astana Piano Passion-2015» III حالىقارالىق بايقاۋىنىڭ لاۋرەاتى ۆيكتور ماسلوۆ. ديريجەرى - قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆ، دەپ جازادى استانا قالاسى اكىمدىگىنەن.
تىڭداۋشىلارعا سيمفونيالىق جانە اسپاپتى مۋزىكانىڭ جاۋھارلارى: د. شوستاكوۆيچتىڭ №5 d-moll سيمفونياسى، 47 شىعارماسى (1937) جانە پ. چايكوۆسكيدىڭ وركەستر مەن فورتەپيانوعا ارنالعان №1 b-moll كونسەرتى، 23 شىعارماسى ۇسىنىلادى.
- د. شوستاكوۆيچتىڭ سيمفونياسىندا وتە كوپ جۇمباق جاتىر. ءبىز بۇل قۇپيانىڭ سىرىن ءسال اشىپ، كومپوزيتوردىڭ ومىرىنەن ونىڭ تۋىندىلارىن تۇسىنەتىندەي قىزىقتى دەرەكتەر تۋرالى اڭگىمەلەيمىز، - دەيدى ماەسترو.
ەكىنشى بولىمدە بولاشاعى زور پيانيست ءوز ونەرىن ورتاعا سالادى. ۆيكتور ماسلوۆ - رەسەيلىك جاس مۋزىكانت، پاريجدە، انكونادا، ماسكەۋدە، كيەۆتە وتكەن حالىقارالىق كونكۋرستاردىڭ جەڭىمپازى. 2015 -جىلى «Astana Piano Passion-2015» كونكۋرسىندا ەكىنشى سىيلىق پەن ەكى ارنايى جۇلدەنى يەلەنگەن.
مۋزىكانت پ. چايكوۆسكيدىڭ وركەستر مەن فورتەپيانوعا ارنالعان №1 b-moll كونسەرتى، 23 شىعارماسىن ورىندايدى.
كونسەرتتىڭ باستالۋى - ساعات 19:00.
