شۆەيتساريادا سەگىز كۇندىك سيام ەگىزدەرىن ءساتتى ءبولدى

استانا. قازاقپارات - شۆەيتساريالىق بەرن گوسپيتالىندە سيام ەگىز- قىزداردى ءبولۋ وتاسى ءساتتى اياقتادى، دەپ حابارلادى bbc قىزمەتى.

شۆەيتساريالىق باق حابارلاماسىنا سايكەس وتا جەلتوقساندا جاسالعان، الايدا ول جايلى رەسمي ەندى عانا حابارلاندى. وتا قىزداردىڭ تۋىلعانىنا سەگىز كۇن وتكەن سوڭ جاسالعان. نارەستەلەردىڭ باۋىر مەن كەۋدەلەرى جابىسىپ تۋىلعان. بۇل دۇنيەگە كەلگەنىنەن بىرنەشە كۇن وتكەن سيام ەگىزدەرىنە جاسالعان العاشقى ءساتتى وتا.

وتا 5 ساعاتقا سوزىلعان. وعان 12 دارىگەر قاتىستى.

باستاپقىدا وتانى بىرنەشە اي وتكەن سوڭ جاساماقشى بولعان، الايدا نارەستەلەردىڭ دەنساۋلىعى ناشارلاعان سوڭ، دارىگەرلەرگە شۇعىل وتا تاعايىنداۋعا تۋرا كەلگەن.

دارىگەرلەردىڭ ايتۋىنشا، ولاردى ءبولۋ نارەستەلەردىڭ ءومىرىن ساقتاپ قالۋ ءۇشىن جالعىز عانا مۇمكىندىك بولعان.

مۇنداي وتالاردا 100 دەن ءبىرى عانا ءتىرى قالادى.