بالا تاربيەسىنە قاتىستى كەڭەستەر

استانا. قازاقپارات - بالا - باستى بايلىعىمىز. سوندىقتان ونىڭ تاربيەسىنە زور كوڭىل بولگەن ءجون. وسىعان بايلانىستى پسيحولوگتاردىڭ بالا تاربيەسىنە قاتىستى بىرنەشە كەڭەستەرىمەن تانىسىپ كورەلىك.

1. بالانىڭ مىندەتتى تۇردە وزدىگىنەن ورىندايتىن جۇمىستارى بولۋى قاجەت. ءسىز تەك وسى جۇمىستاردىڭ ورىندالۋىن قاداعالاۋىڭىز كەرەك.

2. مەيلى قانشالىقتى تياناقتى ءارى جىلدام ورىنداسا دا، بالاعا جۇكتەلگەن جۇمىستاردى ءوزىڭىز ورىنداماۋعا تىرىسىڭىز.

3. بالاڭىزدى تىڭداۋدى ۇيرەنىڭىز. شىدامدى بولىڭىز، بالاڭىزدىڭ ءسوزىن ءبولىپ، ونىڭ ويىن ءوزىڭىز اياقتاۋعا تىرىسپاڭىز جانە بالانى اسىقتىرماڭىز.

4. بالاڭىزعا ءوز كوزقاراسىڭىزدى تانباڭىز. ءوز نۇسقاڭىز دۇرىس ەكەنىن دالەلدەرمەن ءتۇسىندىرىڭىز.

5. بالانىڭ كەز كەلگەن قالاۋىن ورىنداۋعا اسىقپاڭىز.

6. بالاعا ءوزىنىڭ ءىس ارەكەتىن ءتۇسىندىرۋدى ۇيرەتىڭىز. ياعني بالا ەڭ الدىمەن ويلانىپ سودان سوڭ عانا شەشىم قابىلداۋدى ۇيرەتۋ كەرەك. ەڭ جاقسىسى ءوزى سەنىمسىزدىك تانىتقان ماسەلەلەردە اتا- اناسىمەن كەڭەسۋگە بولاتىنىن ءبىلۋى قاجەت.

7. بالانى قورشاعان الەمدى تانىپ بىلۋگە داعدىلاڭىز.

8. بالانىڭ جان- جاقتى دامۋىنا قولايلى ءقاۋىپسىز جاعداي جاساڭىز.

9. بالانى تىم ەركەلەتپەڭىز. ونىمەن وزىڭىزبەن تەڭ دارەجەدەگى ادام رەتىندە سويلەسىڭىز. ەسىڭىزدە بولسىن، ءسىزدىڭ سويلەگەن ءسوزىڭىزدى، ءىس ارەكەتىڭىزدى بالاڭىز قايتالايدى.

10. بالاعا ءوز بەتىنشە جەكە باسىنىڭ تازالىعىن قاداعالاۋدى جانە دە ءار ءتۇرلى جاعدايلاردا ءوزىن قالاي ۇستاۋ كەرەكتىگىن ءتۇسىندىرىڭىز.

11. جاقسى ءىس ارەكەتى ءۇشىن سوزبەن نەمەسە سىيلىقپەن ماداقتاپ كوتەرمەلەڭىز.

12. بالا كىشكەنتايىنان باستاپ اتا- اناسىن، ۇلكەندەردى، جاقىنداردى سىيلاۋ كەرەكتىگىن ءبىلۋ ءتيىس.

13. ەشقاشاندا بالانىڭ يكەمسىزدىگىن كۇلكىگە اينالدىرىپ جانە دە قورقىنىشىنا كۇلمەڭىز. قايتا، كەرسىنشە، بالانىڭ قورقىنىشىن بىرگە شەشىپ، سەنىمدى قارىم- قاتىناس ورناتىڭىز.

14. قانشالىقتى ۋاقىتىڭىز از بولسا دا، بالاڭىزدىڭ جان- جاقتى دامۋىنا كوڭىل ءبولىڭىز. ەسىڭىزدە بولسىن، بالاڭىز - ءسىزدىڭ ەڭ باستى بايلىعىڭىز، دەپ جازادى massaget.kz.