قىتايدا ن. نازاربايەۆتىڭ حاڭجوۋدا وتەتىن سامميتكە قاتىسۋى تالقىلاندى
ەكى تاراپ ق ر پرەزيدەنتى نۇرسۇلتان نازاربايەۆتىڭ (2015 -جىلعى قىركۇيەك) جانە ق ر پرەمەر-ءمينيسترى كارىم ءماسىموۆتىڭ (2015 -جىلعى جەلتوقسان) ق ح ر- عا ساپارى بارىسىندا قول جەتكىزىلگەن قازاقستان مەن قىتاي اراسىنداعى ساياسي، ەكونوميكالىق جانە گۋمانيتارلىق ىنتىماقتاستىقتىڭ احۋالى جانە پەرسپەكتيۆالارىن، ءوزارا سەنىم شارالارىن جۇزەگە اسىرۋ جولدارىن تالقىلادى.
ش. نۇرىشەۆ قىتاي ءتوراعاسى شي جينپيڭنىڭ ق ر پرەزيدەنتى ن. نازاربايەۆتى «G-20» سامميتىنە (4-5 -قىركۇيەك، 2016 ج. , حاڭجوۋ قالاسى) قاتىسۋعا شاقىرعانى ءۇشىن ريزاشىلىعىن ءبىلدىردى. قازاقستاندىق ديپلومات بۇل مەملەكەت باسشىسىنىڭ قۋاتتى ءارى گۇلدەنىپ كەلە جاتقان قازاقستاندى قالىپتاستىرۋ جولىنداعى ەرەكشە ءرولىن كورسەتەتىنىن اتاپ ءوتتى.
لي حۋيلاي ەكى ەل اراسىنداعى جوعارى دەڭگەيدەگى ءوزارا ىقپالداستىقتى، ق ر جانە ق ح ر كوشباسشىلارىنىڭ اراسىنداعى دوستىق سيپاتتاعى قارىم- قاتىناستى، سونداي- اق ق ر پرەزيدەنتى ن. نازاربايەۆتىڭ قازاقستاندىق- قىتايلىق جان- جاقتى ستراتەگيالىق سەرىكتەستىكتىڭ دامۋىنا جەكە ءوزى زور ۇلەس قوسقانىن اتاپ ءوتتى.
