اقشانىڭ جەتىسپەۋشىلىگى ادامداردىڭ دۇرىس تاماقتانۋىنا كەدەرگى كەلتىرەدى - زەرتتەۋ

استانا. قازاقپارات - كوپشىلىك ادامداردىڭ دۇرىس تاماقتانباۋىنا ولاردى قىزىقتىراتىن زياندى ازىق- تۇلىكتەردىڭ كوپ بولۋى سەبەپ دەپ ويلايدى.

ءبىراق، عالىمداردىڭ زەرتتەۋىنشە، بۇل بارلىق جاعدايدا ولاي ەمەس، كەيدە وعان اقشا جەتىسپەۋشىلىگى دە سەبەپ بولىپ جاتادى ەكەن.

سوڭعى زەرتتەۋلەر كورسەتكەندەي، ادام تاماققا نەعۇرلىم كوپ اقشا جۇمساسا، تاماقتانۋىنىڭ ساپاسى سوعۇرلىم جاقسى بولادى. ادامدار كوكونىستەر مەن جەمىستەردى كوبىرەك ساتىپ السا، بۇل ولاردىڭ سالماعىنىڭ ازايۋىنا سەپتىگىن تيگىزىپ، سونداي- اق سۋساق جانە جۇرەك- قانتامىر اۋرۋلارىنا شالدىعۋ ءقاۋپىن تومەندەتەدى.

«ءبىز تاماقتانۋعا جۇمسالاتىن شىعىندار ورتاشا العاندا 1,4 ەۋروعا وسكەن جاعدايدا، ادامدار بۇرىنعىدان كۇنىنە 74 گرام كوكونىس جانە 52 گرام جەمىستى كوبىرەك جەۋگە مۇمكىندىك العانىن كوردىك»، - دەيدى بارسەلوناداعى مەديتسينالىق زەرتتەۋلەر ينستيتۋتىنىڭ مامانى گەلمۋت شرەدەر (Helmut Schroder).

ال ەگەر ادامدار ورتاشا ەسەپپەن العاندا 6 سەنتكە از شىعىندالسا، بۇل ادەتتە كوكونىستەردى شامامەن 120 گرامعا، جەمىستەردىڭ - 94 گرامعا از جەۋىنە اكەپ سوعادى. بۇل رەتتە ەرىكتىلەر فاست- فۋد پەن نان-توقاش ونىمدەرىن ءجيى جەي باستاعان.

 وسىنداي قورىتىندىنى زەرتتەۋشىلەر 25-74 جاس ارالىعىنداعى 2181 ەرىكتىدەن تۇراتىن توپقا باقىلاۋ جاساۋ نەگىزىندە شىعارعان.