08:27, 01 - اقپان 2016 | GMT +5
گەرمانيادا ءداستۇرلى سۋ ۇستىندەگى كارناۆال ءوتتى
استانا. قازاقپارات - گەرمانيانىڭ نويبۋرگ قالاسىندا ءداستۇرلى سۋ ۇستىندەگى كارناۆال ءوتتى. مۇندا كۇننىڭ سۋىعىنا قاراماستان، 2 مىڭعا جۋىق ادام دۋناي وزەنىنە سۇڭگىگەن، دەپ جازادى 24.kz.
قاتىسۋشىلاردىڭ كوبى توڭىپ قالماس ءۇشىن ارنايى جابدىق، ونىڭ سىرتىنان مەرەكەلىك كوستيۋم كيىپ الىپتى. الايدا جۇرەك جۇتقان 40 كىسى مۇزداي سۋعا جاي عانا شومىلۋ كيىمىمەن تۇسسە كەرەك.
سۋدان شىققاننان كەيىن جىلىنۋ ءۇشىن بارلىق قاتىسۋشىلارعا ىستىق سورپا تاراتىلىپتى.
- مەن قۇتقارۋشى بولىپ جۇمىس ىستەيمىن. سەنەسىزدەر مە، بۇل شاراعا 40 جىل قاتىسىپ كەلەمىن. سول سەبەپتى قىستا سۋعا تۇسۋدە تۇرعان ەشتەڭە جوق دەپ ويلايمىن، - دەيدى قاتىسۋشى فرانس ۆەسنەر.
