جىل قورىتىندىسى: شىعىس قازاقستاندا قىلمىس سانى ازايدى
كەڭەستە ش ق و ءى ءى د- نىڭ باستىعى، پوليتسيانىڭ گەنەرال- مايورى جاناربەك باقتىبايەۆتىڭ جۇمىسقا جاساعان تالداۋى ايماقتاعى كريمينوگەندىك جاعدايدىڭ تۇراقتاندىرىلعانىن كۋالاندىرىپ وتىر. قىلمىستاردىڭ جالپى سانى 2 مىڭنان استامعا قىسقارعان. اتاپ وتكەندە، بۇزاقىلىقتاردىڭ سانى 30 پايىزعا، توناۋشىلىق - 23 پايىزعا، قاراقشىلىق شابۋىلدار - 11 پايىزعا، وزگەنىڭ مۇلكىن ۇرلاۋ - 20 پايىزعا قىسقارعان. قىلمىستاردى اشۋ بويىنشا جۇمىستىڭ تيىمدىلىگى، سونىڭ ىشىندە قىلمىستىڭ اۋىر تۇرلەرىن اشۋ - 8 پايىزعا وسكەن.
ايماقتىق پوليتسيانىڭ باسشىسى پوليتسيانىڭ 290 ەسىرتكى قىلمىسىن انىقتاپ، سونىڭ ناتيجەسىندە اينالىمنان 161 كەلى ەسىرتكى الىنعانىن اتاپ ءوتتى. بۇدان باسقا، ۇرلىق جاساعان 84 توپ ۇستالىپ، جاۋاپكەرشىلىككە تارتىلعان. ولاردىڭ اراسىندا پاتەر ۇرىلارىنىڭ 32 توبى، مال ۇرىلارىنىڭ 18 توبى بولعان.
جىل قورىتىندىلارى بويىنشا كەڭەستە الدىن الۋ سيپاتىنداعى ماسەلەلەرگە، سونىڭ ىشىندە قۇقىق بۇزۋشىلىقتارعا نولدىك توزىمدىلىككە كوپ كوڭىل بولىنگەن. ايماقتىق پوليتسيانىڭ باسشىسى ج. باقتىبايەۆ انىقتالعان اكىمشىلىك قۇقىق بۇزۋشىلىقتاردىڭ سانىن اتادى - 330 مىڭ (ۇساق بۇزاقىلىق، جول قوزعالىسى ەرەجەلەرى بۇزۋ، ت. ب. ).
ءوز كەزەگىندە، ءمينيستردىڭ ورىنباسارى م. دەمەۋوۆ پوليتسەيلەردىڭ نازارىن قۇقىق بۇزۋشىلىقتار مەن قىلمىستاردىڭ الدىن الۋعا اۋدارتتى. بۇل باعىتتا پوليتسيانىڭ جۇمىسى كۇشەيتىلۋى ءتيىس جانە دەپارتامەنتتىڭ الدىندا 5 ينستيتۋتسيونالدىق رەفورمانى ورىنداۋ بوينىشا ۇلت جوسپارىن ىسكە اسىرۋدىڭ ۇلكەن مىندەتى تۇر.
«سىزدەردىڭ ايماقتارىڭىزدا بارلىق تىركەلگەن قىلمىستاردىڭ 53 پايىزى - وزگەنىڭ مۇلكىن ۇرلاۋ. وسىعان بايلانىستى وزگەنىڭ مۇلكىن ۇرلاۋ بويىنشا قىلمىستاردىڭ الدىن الۋ جانە اشۋ بويىنشا جۇمىستار، «ق ر ءى ءى م- ءنىڭ وزگەنىڭ مۇلكىن ۇرلاۋعا قارسى ءىس- قيمىلدار بويىنشا 2015-2017 -جىلدارعا ارنالعان باعدارلامالارى» باسىمدىق سيپاتقا يە بولىپ وتىر»، - دەپ اتاپ ءوتتى ول.
ىشكى ىستەردىڭ بارلىق بولىمشەلەرى مەن ايماقتىق ورگاندارىنا 2016 -جىلى جۇمىستىڭ باسىمدىق باعىتتارى بويىنشا ناقتى تاپسىرمالار بەرىلدى، دەپ حابارلادى ش ق و ءى ءى د- نىڭ باسپا ءسوز قىزمەتىنەن.
