سۋ تاسقىنىنىڭ سالدارىن ەرلىكپەن جويعاننان گورى ونىڭ الدىن الۋ كەرەك - كوميتەت ءتوراعاسى ۆ. بوجكو - فوتو
بۇل تۋرالى قاراعاندى وبلىسىنىڭ ت ج د مەملەكەتتىك ءتىل جانە اقپارات توبى حابارلادى.
ەكىنشى ماسەلە بويىنشا ت ج د باستىعىنىڭ ورىنباسارى ازاماتتىق قورعاۋ پولكوۆنيگى ا. ن. قىلدىبايەۆ «2015 -جىلعا قاراعاندى وبلىسى ت ج د جەكە قۇرامىنىڭ اراسىندا جەمقورلىققا قارسى ارەكەت ەتۋ بويىنشا جۇمىستى ۇيىمداستىرۋ جانە ونىڭ جاعدايى، ءتارتىپ پەن زاڭدىلىقتى ساقتاۋ تۋرالى» بايانداما وقىدى. جينالىس باستالماس بۇرىن، ۆلاديمير كارپوۆيچ قىس جانە كوكتەم مەزگىلدەرىندە ورىن الاتىن توتەنشە جاعدايلاردى جويۋعا جۇمىلدىرىلاتىن ت ج دەپارتامەنتىنىڭ كۇشى مەن قۇرالدارىمەن تانىستى. تەحنيكانى قاراۋ كەزىندە گابيوندار كورسەتىلدى.
جيىنعا وبلىس اكىمىنىڭ ورىنباسارى ا. ۆ. لياپۋنوۆ، ت ج دەپارتامەنتى قۇرىلىمدارىنىڭ جانە ونىڭ ۆەدومستۆولىق باعىنىستى مەكەمەلەرى مەن ت ج كوميتەتىنىڭ اۋماقتىق قۇرىلىمدارىنىڭ كوماندالىق- باسقارۋشى قۇرامى قاتىستى.
كۇن تارتىبىندە قاراستىرىلعان ءبىرىنشى ماسەلە: 2015 -جىلعى جەدەل- قىزمەتتىك جۇمىستىڭ قورىتىندىسى جانە ق ر پرەزيدەنتى ن. ءا. نازاربايەۆتىڭ «قازاقستان جاڭا جاھاندىق ناقتى احۋالدا: ءوسىم، رەفورمالار دامۋ» اتتى قازاقستان حالقىنا جولداۋىنىڭ تالاپتارى بويىنشا ىشكى ىستەر ورگاندارىنىڭ باستى مىندەتتەرىنىڭ ورىندالۋى تۋرالى قاراعاندى وبلىسى توتەنشە جاعدايلار دەپارتامەنتىنىڭ باستىعى ازاماتتىق قورعاۋ پولكوۆنيگى ت. ق. نۇرماعامبەتوۆ ءسوز سويلەدى.
سونىمەن قاتار، ق ر ىشكى ىستەر ءمينيسترىنىڭ ورىنباسارى كۇن تارتىبىندەگى وسى ماسەلەلەر بويىنشا ق ر ءى ءى م ت ج ك ت ج دەپارتامەنتى قۇرىلىمدارىنىڭ، ۆەدومستۆولىق باعىنىستى جانە اۋماقتىق قۇرىلىمدارىنىڭ باسشىلارىن تىڭدادى.
جيىندى قورتىندىلاي كەلە، ۆلاديمير كارپوۆيچ ق ر پرەزيدەنتى ن. ءا. نازاربايەۆتىڭ «قازاقستان جاڭا جاھاندىق ناقتى احۋالدا: ءوسىم، رەفورمالار دامۋ» اتتى قازاقستان حالقىنا جولداۋىندا ايتىلعان تاپسىرمالاردىڭ ماڭىزدىلىعىن، زاڭدىلىق پەن ءتارتىپتى، سونىمەن قاتار جەكە قۇرام اراسىندا جەمقورلىققا قارسى ارەكەتتى نىعايتۋ جانە ازاماتتىق قورعاۋ ورگاندارىنا حالىقتىڭ سەنىم دەڭگەيىن ارتتىرۋ جايىندا باسا ايتتى. سونداي- اق، كوكشەتاۋ تەحنيكالىق ينستيتۋتىن دارىپتەۋگە باعىتتاۋعا بىرنەشە تاپسىرمالار بەردى، ازاماتتىق قورعاۋ سالاسىندا مامانداردىڭ كادرلىق قۇرامىن كەڭەيتۋ قاجەتتىلىگىن باسا ايتتى.
جيىن سوڭىندا، ۆ. ك. بوجكو تەمىرتاۋ قالاسىنا سامارقاند سۋ قويماسىنداعى سۋ تورابىنا اتتاندى، ۆ. ك. بوجكونىڭ توراعالىعىمەن 2014-2015 -جىلدارداعى سۋ تاسقىنىن ەسەپكە الا وتىرىپ، پرەزيدەنت اكىمشىلىگىنىڭ تاپسىرماسىن جۇزەگە اسىرۋ ماقساتىندا 2016 -جىلعا قاراعاندى وبلىسى ءىرى سۋ قويمالارىنىڭ سۋ تاسقىنى مەزگىلىنە دايىندىعى تۋرالى ماسەلەگە باسا نازار اۋدارىلعان جيىن وتكىزىلدى.
جيىن بارىسىندا كوكتەم مەزگىلىنىڭ اپاتسىز وتۋىنە جاعداي جاساۋدا اتقارىلعان جۇمىستار جايىندا جانە تاعى قانداي جۇمىستار جۇرگىزۋ قاجەتتىلىگى تالقىلاندى.
سۋ تاسقىنىنىڭ قاۋىپسىز وتۋىنە تىكەلەي بايلانىسى بار گيدروتەحنيكالىق قۇرىلىس پەن جەرگىلىكتى اتقارۋ ورگاندارىنىڭ باسشىلىعى تىڭدالدى، توتەنشە جاعدايلاردى بولدىرماۋ بويىنشا ناقتى شارالار انىقتالدى.
قاراعاندى وبلىسى بويىنشا «قازگيدرومەت» ر م ك فيليالى ديرەكتورىنىڭ ورىنباسارى ۆ. م. ستارتيەنكو، سۋ كەشەندەرىن رەتتەۋ جانە قورعاۋ بويىنشا نۇرا - سارىسۋ باسسەيندىك ينسپەكتسياسىنىڭ باسشىسى م. س. اققوجين، «كازۆودحوز» ر م ك قاراعاندى فيليالىنىڭ باسشىسى گ. ۆ. سوبوليەۆ، سونىمەن قاتار «Kazahmus Energy» ماەس باسشىسى ا. س. سولوۆيەۆتار ءسوز سويلەدى.
ۆلاديمير بوجكو سۋ قويمالارىن دايىنداۋعا كوڭىل اۋداردى. ول ءبىرىنشى كەزەكتە سۋ وتكىزەتىن قۇرىلىستىڭ، بوگەت اعاشتارىنىڭ تەحنيكالىق جاعدايىنا، الەۋەتتى سۋ باسۋ ايماعىندا ورنالاسقان حالىقتى ەرتە قۇلاقتاندىرۋ جۇيەسىنىڭ بولۋىنا جانە سۋ قويمالارىنىڭ ىعىسۋ ءتارتىبىن ۋاقىتىندا رەتتەۋ مەن تولتىرۋعا باسا نازار اۋدارۋ قاجەتتىلىگىن ايتتى.
