سەمەيدە جوعارعى وقۋ ورىندارىن ءتامامداعان تۇلەكتەردى جۇمىسقا ورنالاستىراتىن ورتالىق اشىلدى

استانا. قازاقپارات - سەمەيدە جوعارعى وقۋ ورىندارىن ءتامامداعان تۇلەكتەردىڭ كاسىبي دەڭگەيىن ودان ءارى شىڭداپ، قابىلەتىن ارتتىرۋعا كەڭەس بەرەتىن ورتالىق اشىلدى، www.24.kz.

جاڭا ۇيىم حالىقارالىق ستاندارتتارعا ساي جۇمىس ىستەيتىن بولادى.

ول جەردە ستۋدەنتتەرگە جۇمىس تاۋىپ بەرۋمەن قاتار بىلىكتى مامان بولىپ قالىپتاسۋىنا دا كومەكتەسەدى.

بۇگىندە ورتالىقتىڭ ارنايى سايتى دا اشىلعان. عالامتور ارقىلى جاستار جۇمىس بەرۋشىمەن تىلدەسىپ، ءوزىنىڭ قابىلەتىن كورسەتۋ ارقىلى بولاشاقتا سول جەرگە جۇمىسقا ورنالاسا الادى.

«كەلەشەك مامانداردى جان- جاقتى دايىندايدى. ول ءبىر باعىتتا عانا ەمەس، مەملەكەتتىڭ قويعان تالاپتارىن ىسكە اسىرۋ جولدارىندا جۇمىس ىستەيدى. ءوزىمىزدىڭ وقۋ ورنىنىڭ ۇستازدارى، شەتەلدىك ماماندار، وزىق تاجىريبەلى ماماندار كەلىپ، ستۋدەنتتەردى سول ساتىدا دايىنداپ، وسىرەدى»، - دەيدى عالىم، پروفەسسور زەينوللا توقايەۆ.