09:06, 31 - قاڭتار 2016 | GMT +5
س. ساپيەۆ قازاقستاننىڭ بارلىق ايماقتارىندا سپورتتى ناسيحاتتاۋعا نيەتتى
استانا. قازاقپارات - وليمپيادا چەمپيونى، «استانا ارلانس» بوكس كلۋبىنىڭ جەتەكشىسى، «نۇر وتان» پارتياسىنىڭ كەزەكتەن تىس XVII سەزى بارىسىندا ق ر پارلامەنتى ءماجىلىسىنىڭ دەپۋتاتتىعىنا پارتيالىق ءتىزىم بويىنشا كانديدات بولىپ ەنگىزىلگەن سەرىك ساپيەۆ قازاقستاننىڭ بارلىق ايماقتارىندا سپورتتى ناسيحاتتاۋعا نيەتتى.
«ءبىزدىڭ الدىمىزعا حالىقتىڭ 30 پايىزىن بۇقارالىق سپورتپەن اينالىسۋعا تارتۋ ماقساتى قويىلعان. بۇل باعىتتا ءتيىستى جۇمىستار جۇرگىزىلىپ جاتىر. ءبىز حالىقتىڭ سپورتقا قاتىناسىن وزگەرتۋىمىز قاجەت. مىسالعا، قاراعاندىدا سپورت جاقسى دامىعان، مۇنى مەن ايماقتاردا بولعان كەزىمدە كورىپ ءجۇرمىن. باسقالارمەن سالىستىرامىن. سوندىقتان دا مەن بارلىق ايماقتاردا بولىپ، سپورتتى ناسيحاتتاۋعا تىرىسامىن»، - دەدى س. ساپيەۆ.
سپورتشىنىڭ ايتۋىنشا، ەگەر پارتيا ونى دەپۋتاتتىققا ۇسىنسا ول باس تارتپايدى. سونىمەن قاتار، س. ساپيەۆ بۇل جۇمىستىڭ جاۋاپكەرشىلىگىن دە سەزىنەدى جانە كەز كەلگەن قيمىندىققا دا ءازىر.
