كەشيۋ مەرەيتويلىق كونسەرتىنە دايىندالۋدا
ون جىلدىڭ ىشىندە ءبىر دە ءبىر جەكە كونسەرتىن بەرمەگەن توپ، كوكتەمدە وتەتىن مەرەيتويلىق كەشىنە دايىندالىپ جاتىر، دەپ حابارلايدى Comode.kz.
2016-جىل بايان ماقسات قىزى ءۇشىن ەرەكشە بولماق. بيىل تۋعان اپكەسى باعىم مۇحيتدەنوۆا ەكەۋى قۇرعان كەشyou توبى ساحنادا ونەر كورسەتىپ جۇرگەنىنە 10 جىل بولدى. وسىعان وراي 2016-جىلدىڭ ءساۋىر ايىنىڭ اياعى نەمەسە مامىر ايىنىڭ باسىندا توپ جەكە كونسەرتىن وتكىزبەك.
ون جىل ىشىندە قۇرامى تالاي وزگەرگەن توپتىڭ مەرەيتويلىق كونسەرتى ەرەكشە بولاتىنىندا كۇمان جوق. جاس قىزداردىڭ قىزۋ دايىندىقتارىن پروديۋسەردىڭ ءوزى دە، باعىم حانىم دا الەۋمەتتىك جەلىلەرگە جۇكتەپ، وقىرماندارمەن ءبولىسىپ وتىر.
الايدا، تىرناق استىنان كىر ىزدەگەن جاندار سىن ايتۋدان جالىقپاس. «بۇرىنعى قۇرامعا ءبارىبىر جەتپەيدى»، «بوتا ءتىپتى ءان ايتا المايدى!»، «جۇلدىزدىڭ داۋىسى جوق»، «بالجان نە ايقايلاپ تۇر؟» دەگەندەي پىكىرلەرگە قىزدار دا، پروديۋسەرلەرى دە تۇسىنىستىكپەن قاراپ، سابىر تانىتىپ جاتىر. باعىم حانىمنىڭ كەيدە «بارلىعىڭ مۋزىكادان شەبەر ەكەنسىڭدەر، مەن مىندا نە ىستەپ ءجۇرمىن؟» دەپ، وقىرماندارىمەن قالجىڭداسىپ تا قويادى.
مەرەيتويلىق كونسەرتتىڭ ناقتى كۇنى بەلگىلى بولماسا دا، سول ۋاقىتقا دەيىن كەشyou ەكى بەينەبايان ءتۇسىرىپ ۇلگەرۋدى جوسپارلاپ وتىر. جانار دۇعالوۆا، كامشات جولدىبايەۆا، انەل ارىنوۆا سياقتى توپتىڭ بۇرىڭعى ورىنداۋشىلارى مەرەيتويلىق كونسەرتتە ونەر كورسەتۋگە كەلىسىمىن بەرسە، ءمولدىر اۋەلبەكوۆا كەشكە قاتىسپايتىنىن ايتتى.
