جاقىندا تاراعان ءماجىلىس دەپۋتاتتارىنىڭ جارتىسىنان كوبى سايلاۋ تىزىمىنە ەنبەي قالعان
بۇرىنعى حالىق قالاۋلىلارىنا باسقا جۇمىس ىزدەۋگە تۋرا كەلەدى، دەپ حابارلايدى ك ت ك ارناسى.
بيلىك پارتياسىنىڭ تىزىمىندە مينيستر مەن وبلىس اكىمدەرىنىڭ بولۋى دودانىڭ ساياسي سالماعىن ارتتىرۋ ءۇشىن جاسالعانداي. ال تانىمال انشىلەر مەن ايگىلى سپورتشىلاردىڭ مادەني شارالارعا كوبىرەك تارتىلاتىنى انىق. ءبىراق، ولاردىڭ ءبارى دەپۋتات بولادى دەگەن ءسوز ەمەس.
«نۇر وتان» جەڭىسكە جەتكەن كۇننىڭ وزىندە، پارتيانىڭ ساياسي كەڭەسى 127 كانديداتتىڭ ىشىنەن وزدەرى ىرىكتەۋ جۇرگىزەدى. دەپۋتات بولۋ باقىتى بۇيىرماعاندارى رەزەرۆكە كەتەدى.
ال ونەر جۇلدىزدارى ساحنانى ساياساتقا اۋىستىرۋعا دايىن. ءتىپتى بەلگىلى ءانشى قايرات نۇرتاس دەپۋتات بولا قالسا، قازاق ءتىلى مەن مادەنيەتتىڭ ماسەلەلەرىن كوتەرمەك.
ال اكتەر نۇرجان ءالىمجانوۆ دەپۋتات بولىپ سايلانىپ جاتسا، ايتارى بار ەكەنىن جەتكىزدى.
«ەرتە ول. قازىر ايتۋعا بولمايدى. سەبەبى مەن اۋەلى ءوتىپ الايىن. اتقا قونىپ بەلدى بۋىپ ءپىسىمىللا دەپ ارينە ايتار وي بار»، - دەدى اكتەر.
