عالىمدار: ستۋدەنتتەر جۇيكە جۇيەسىنىڭ بۇزىلۋىنا نەعۇرلىم بەيىم

استانا. قازاقپارات - ا ق ش عالىمدارى ادامنىڭ قاي ساناتى باسقالارعا قاراعاندا، ءتۇرلى پسيحيكالىق بۇزىلىستارعا بەيىم ەكەنىن انىقتاۋدى شەشتى.

امەريكالىق كۇيزەلىستى زەردەلەۋ قاۋىمداستىعىنىڭ ماماندارى ءتۇرلى ادامداردىڭ پسيحيكالىق جاعدايىنا جاپپاي تەكسەرۋ جۇرگىزدى.

زەرتتەۋ قاتىسۋشىلارىنا پسيحولوگيالىق تەستەن ءوتۋ ۇسىنىلدى. ەكى مىڭ ادامنىڭ ىشىندە تاپسىرمانى 18-25 جاس ارالىعىنداعى 198 جاس ناشار ورىندادى.

زەرتتەۋ اۆتورلارى بۇل ساناتقا «ستۋدەنت جاسى» دەگەن اتاۋ بەردى.

ءبىر قىزىعى، كۇيزەلىس، باسقا دا جۇيكە جۇيەسىنىڭ بۇزىلۋ بەلگىلەرى كوبىنەسە اۋقاتتى وتباسىدان شىققان ستۋدەنتتەردە كەزدەستى.

مامانداردىڭ پىكىرىنشە، جىل سايىن ستۋدەنتتەرگە زاماناۋي تەحنولوگيالاردان تۋىنداعان قىسىم كوپ سالماق سالادى. بۇدان باسقا، كوپتەگەن جاستار ومىردە تابىسقا جەتە الماۋدان قورقادى، سالدارىنان كۇيزەلىسكە ۇشىراپ، جۇيكە جۇيەلەرىنە كەرى اسەر الادى.