گەننادي گولوۆكين، ارۋجان ساين جانە ديماش قۇدايبەرگەن «حالىق سۇيىكتىسى» اتاندى - فوتو، كەسكىن

استانا. قازاقپارات - بۇگىن استانادا «حالىق سۇيىكتىسى» جۇلدەسىنىڭ يەلەرى ماراپاتتالدى. ايتا كەتەيىك، 2015-جىلدىڭ 25- قاراشاسى مەن 15- جەلتوقسانى ارالىعىندا «lubimec.kz» سايتىندا حالىق ءار سالادا ءوز «سۇيىكتىسىنە» داۋىس بەرگەن بولاتىن.

سونىمەن، بۇكىل حالىقتىق داۋىس بەرۋدىڭ ناتيجەسىندە «جىلدىڭ قوعام قايراتكەرى» نوميناتسياسىندا ارۋجان ساين، «جىل سپورتشىسى» نوميناتسياسىندا گەننادي گولوۆكين، «جىل دارىگەرى» نوميناتسياسىندا سەرىك اقشولاقوۆ، «ەسترادا ءارتىسى» نوميناتسياسىندا ديماش قۇدايبەرگەن، «جىلدىڭ تەلەجۋرناليسى» نوميناتسياسىندا «قازاقستان ۇلتتىق تەلەارناسىنىڭ» جۇرگىزۋشىسى مەيىرجان الىبەك، «كينو بەدەلى» نوميناتسياسىندا نۇرتاس ادامباي، «جىل پۋبليتسيسى» نوميناتسياسىندا جارقىن تۇسىپبەك ۇلى «حالىق سۇيىكتىسى» اتاندى.

ال، «جىلدىڭ ۇزدىك ينتەرنەت باسىلىمى» نوميناتسياسىندا KerekInfo.kz سايتى، «جىلدىڭ ۇزدىك جوباسى» نوميناتسياسىندا قازاق گەوگرافيا قوعامداستىعى، «جىلدىڭ ۇزدىك راديوسى» نوميناتسياسىندا «جۇلدىز FM»  راديوستانتسياسى ۇزدىك دەپ تانىلدى.