08:47, 30 - قاڭتار 2016 | GMT +5
قىزىلوردالىق سپورتشى وليمپيادا ويىندارىنا جولداما الدى
قىزىلوردا. قازاقپارات - قىزىلوردالىق سپورتشى، ق ر قۇراما كومانداسىنىڭ مۇشەسى ماكسيم كولوموەتس ءۇندىستاننىڭ نيۋ-دەلي قالاسىندا وتكەن ازيالىق ليتسەنزيالىق تۋرنيردە ستەند اتۋدان 4-ورىندى يەلەندى.
جارىس باعدارلاماسىنا سايكەس تراپتان سىنعا تۇسكەن ماكسيم ريو-دە-جانەيرودا وتەتىن XXXI جازعى وليمپيادا ويىندارىنا ليتسەنزياعا قول جەتكىزدى. ءدۇبىرلى باسەكەگە 17 مەملەكەتتەن 72 سپورتشى قاتىستى.
ماكسيم ستەند اتۋدان ق ر حالىقارالىق دارەجەدەگى سپورت شەبەرى. قازاقستان رەسپۋبليكاسىنىڭ بىرنەشە دۇركىن چەمپيونى، ستۋدەنتتەر اراسىندا الەم چەمپيوناتىنىڭ قولا جۇلدەگەرى، رەسپۋبليكا بويىنشا 2013-جىلدىڭ «ۇزدىك مەرگەنى»، دەپ حابارلايدى وبلىس اكىمىنىڭ باسپا ءسوز قىزمەتى.
