نۇر وتان جالعا بەرىلەتىن باسپاناعا باسىمدىق جاساماق
«پارتيانىڭ تۇرعىن ءۇي ساياساتىنداعى قازىرگى كەزەڭ ءۇشىن باستى باسىمدىعى جالعا بەرىلەتىن تۇرعىن ءۇيدى دامىتۋ بولىپ تابىلادى. جالعا بەرىلەتىن تۇرعىن ءۇي قۇرىلىسى - پارتيا كوشباسشىسى باستاماشى بولعان «نۇرلى جول» مەملەكەتتىك ينفراقۇرىلىمدىق دامۋ باعدارلاماسىنىڭ ماڭىزدى بولىگى. جالعا بەرىلەتىن تۇرعىن ءۇي - بۇل ەل ازاماتتارىن، ەڭ الدىمەن، جاس وتباسىلاردى دەربەس باسپانامەن قامتاماسىز ەتۋ ءۇشىن پراگماتيكالىق جانە ناقتىلى جول. ول اسىرەسە حالىقتىڭ الەۋمەتتىك ءالسىز توپتارى ءۇشىن نەعۇرلىم قولجەتىمدى جانە سۇرانىسقا يە قۇرال»، - دەپ اتاپ وتىلگەن جاڭا سايلاۋالدى باعدارلاماسىندا.
اتاپ ايتقاندا، جالعا بەرىلەتىن تۇرعىن ءۇي قىمبات يپوتەكالىق زايىمدارعا بالاما بولادى جانە قولجەتىمدى باسپاناعا مۇقتاجداردى بارىنشا كوپ قامتۋعا جاعداي جاسايدى.
«2020 -جىلعا دەيىن «نۇرلى جول» باعدارلاماسى اياسىندا 1,4 ميلليون شارشى مەتر جالعا بەرىلەتىن تۇرعىن ءۇي سالىنادى. جالعا بەرىلەتىن تۇرعىن ءۇي قۇرىلىسى بارىسىندا ءبىزدىڭ ەل ەكونوميكاسى ءۇشىن مۋلتيپليكاتيۆتى اسەر الاتىنىمىز دا وتە ماڭىزدى - قۇرىلىستاعى 1 جۇمىس ورنى ساباقتاس سالالاردا التىعا دەيىن قوسىمشا جۇمىس ورىندارىن اشادى»، - دەلىنگەن قۇجاتتا.
"قامشى" سىلتەيدى
